బంగ్లాదేశ్ ప్రధానమంత్రి తారిఖ్ రెహమాన్ను కుటుంబంతో కలిసి భారత్కు రావాలని ఆహ్వానం పలికారు ప్రధానమంత్రి నరేంద్ర మోదీ. ద్వైపాక్షిక సంబంధాలను మరింత బలోపేతం చేయాలనే ఆకాంక్షతో ఈ ఆహ్వానం పంపినట్లు సమాచారం. భారత్ మరియు బంగ్లాదేశ్ మధ్య ఉన్న ఉమ్మడి చరిత్ర, సాంస్కృతిక బంధాలు, భౌగోళిక సమీపతను ప్రస్తావిస్తూ మోదీ ప్రత్యేక లేఖ రాశారు.
రెహమాన్ ప్రమాణ స్వీకారం అనంతరం స్పీకర్ ఆయనను కలిసి మోదీ రాసిన లేఖను అందజేసినట్లు వెల్లడైంది. ఈ లేఖలో ఇరుదేశాల మధ్య వాణిజ్యం, భద్రత, సాంస్కృతిక మార్పిడి, ప్రజల మధ్య సంబంధాల బలోపేతంపై కలిసి పనిచేయాలని మోదీ పేర్కొన్నారని సమాచారం.
భారత్-బంగ్లాదేశ్ సంబంధాలు గత కొన్నేళ్లుగా సానుకూల దిశగా సాగుతున్న నేపథ్యంలో ఈ ఆహ్వానం ప్రాధాన్యత సంతరించుకుంది. పరస్పర సహకారం ద్వారా ప్రాంతీయ శాంతి, అభివృద్ధి సాధ్యమని మోదీ తన సందేశంలో పేర్కొన్నట్లు తెలుస్తోంది. ఈ పరిణామం దక్షిణాసియా రాజకీయ వర్గాల్లో ఆసక్తిని రేకెత్తిస్తోంది.
Also Read:డీసెంట్ కలెక్షన్స్తో ‘నిలవే’!