నేచురల్ స్టార్ , సుధీర్ బాబులు హీరోలుగా నటిస్తున్న చిత్రం వి. ఇంద్రగంటి మోహనకృష్ణ దర్శకత్వంలో తెరకెక్కుతున్న ఈ చిత్రాన్ని దిల్ రాజునిర్మిస్తుండగా నాని సరసన నివదా థామస్, అదితీరావు హైదరీలు హీరోయిన్లుగా నటిస్తున్నారు. ఇటివలే ఈమూవీ షూటింగ్ పూర్తికాగా కరోనా కారణంగా విడుదల తేదీ వాయిదా పడింది.
అయితే తాజాగా ఈ సినిమాకు సంబంధించి ఆసక్తికర అప్‌డేట్ వచ్చేసింది. వి మూవీ ఓటీటీ ఫ్లాట్ ఫామ్‌పై విడుదల కానుందని సమాచారం. గతంలో ఓటీటీ ఫ్లాట్ ఫామ్‌లో సినిమాను విడుదల చేసేందుకు విముఖత వ్యక్తం చేసిన దిల్ రాజు…తాజాగా మనసు మార్చుకున్నారట.
ప్రముఖ ఓటీటీ సంస్థ ఇచ్చిన 35 కోట్ల రూపాయల ఆఫర్ అంగీకరించారని ఫిలిం నగర్ టాక్. సెప్టెంబర్ మొదటి వారంలో డిజిటల్ ప్రీమియర్‌గా ఈ మూవీ స్ట్రీమింగ్ కానుందని అంటున్నారు. నాని 25వ సినిమాగా వస్తున్న ఈ మూవీకి లైన్ క్లియర్ కావడంతో ఫ్యాన్స్ ఆనందానికి అవధుల్లేకుండా పోతున్నాయి.
