నేచురల్ స్టార్ నాని శ్యామ్ సింఘ రాయ్ విజయం తర్వాత మొద‌టిసారి శ్రీకాంత్ ఓదెల కాంబినేష‌న్‌లో ‘దసరా’ చిత్రం చేస్తున్నాడు. సుధాకర్ చెరుకూరి తన శ్రీ లక్ష్మీ వెంకటేశ్వర సినిమాస్ ఆధ్వర్యంలో దసరాను ప్రతిష్టాత్మకంగా భారీ బడ్జెట్‌తో నిర్మిస్తున్నారు.ఇందులో క‌థానాయిక‌గా కీర్తి సురేష్ న‌టించ‌నుంది. ఇక ఈ మూవీ తెలంగాణ కరీంనగర్ జిల్లా గోదావరిఖని సింగరేణి బొగ్గుగని నేపథ్యంలో పక్కా మాసీవ్ అంశాలతో తెరకెక్కుతోంది. సాన్ ఇండియా మూవీగా తెలుగుతో పాటు తమిళ మలయాళ కన్నడ హిందీ భాషల్లోనూ ఏక కాలంలో రిలీజ్ చేయబోతున్నారు.
ఇప్ప‌టికే చిత్రం నుండి విడుద‌లైన నాని ఫ‌స్ట్‌లుక్ పోస్ట‌ర్‌కు ప్రేక్ష‌కుల నుండి విశేష స్పంద‌న వ‌చ్చింది. ఇదిలా ఉంటే తాజాగా ఈ చిత్రం గురించి నాని ఆస‌క్తిక‌ర విష‌యాల‌ను వెల్ల‌డించారు. ఈ సినిమాలో తన పాత్ర కెరీర్‌లోనే మోస్ట్ ఛాలెంజింగ్ అని, గ్రామీణ నేపథ్యంలో తెర‌కెక్కే అవుట్ అండ్ అవుట్ రా సినిమా అని తెలిపారు.
