నా నువ్వేతో రొమాంటిక్ హీరోగా ముద్రవేసుకున్న నటుడు కళ్యాణ్ రామ్. తండ్రి హరికృష్ణ మరణం తర్వాత సినిమాలకు కాస్త గ్యాప్ ఇచ్చిన కళ్యాణ్ రామ్ స్పీడ్ పెంచాడు. ప్రస్తుతం ఎన్టీఆర్ బయోపిక్ తో పాటు కెవి గుహన్ దర్శకత్వంలో సినిమాకు కమిట్ అయ్యారు.
కల్యాణ్ రామ్ సరసన నివేదా థామస్,షాలిని పాండే నటిస్తున్నారు. మహేశ్ కోనేరు నిర్మిస్తోన్న ఈ సినిమాకి శేఖర్ చంద్ర సంగీత దర్శకుడిగా వ్యవహరిస్తున్నారు. అయితే ఈ చిత్రానికి 118 అనే టైటిల్ని ఖరారు చేశారు. ఈ మేరకు ఫస్ట్ లుక్ పోస్టర్ని విడుదల చేసింది చిత్రయూనిట్. చాలా ఆసక్తికరంగా ఉండేటట్లు తీర్చిదిద్దారు. 118లో 8 నెంబర్లో కళ్యాణ్రామ్ లుక్ అందరిని ఆకట్టుకుంటోంది. అంతేగాదు సినిమా రిలీజ్ డేట్ ని కూడా ప్రకటించారు. 2019 జనవరిలో సినిమా విడుదల కానున్నట్లు తెలిపారు.
ఈ నెంబర్ కథకి ముడిపడి ఉండడం వలన ఆ నెంబర్ పెడితే జనాలకి తొందరగా కనెక్ట్ అవుతుందని టీం భావిస్తుందట. ఈ సినిమాలో కల్యాణ్ రామ్ డిఫరెంట్ లుక్లో కనిపించనున్నాడు. కళ్యాణ్ రామ్ 16వ సినిమాగా ఈ చిత్రం ప్రేక్షకుల ముందుకురానుంది.