అక్కినేని నాగచైతన్యని సమంత త్వరలో పెళ్లి చేసుకోబోతున్నారు. ఇక మ్యారేజ్ తర్వాత సినిమాలకు సమంత గుడ్‌బై చెప్పేస్తుందని అందరూ భావించారు. చైతూతో ప్రేమ విషయం ఇండస్ట్రీ మొత్తం తెలియడం..ఇక సమంత కూడా ఏ సినిమాకు గ్రీన్‌సిగ్నల్ ఇవ్వకపోవడంతో ఈ వార్తలకు మరింత బలం చేకూరినట్టయింది.
అయితే సమంత పెళ్లి తర్వాత కూడా నటిస్తుందని చైతూ క్లారిటీ ఇవ్వడంతో ఆమె అభిమానులు, నిర్మాతలు ఆనందంలో మునిగిపోయారు. ఆ వెంటనే ఒకేసారి రెండు తమిళ్ మూవీస్, తెలుగులో చరణ్ మూవీ, రాజు గారి గది-2, మహానటి సావిత్రి బయోపిక్‌లో నటించేందుకు గ్రీన్‌సిగ్నల్ ఇచ్చేసింది.
ఇక్కడ అసలు విషయం ఏంటంటే ఇన్ని ఆఫర్లు సమంతకు క్యూకట్టడం వెనుక నాగార్జున ఉన్నారట. త్వరలో పెళ్లిచేసుకోబోతున్న నాగచైతన్య-సమంతలు బ్యాచిలర్‌ లైఫ్‌ని ఏంజాయ్ చేసే పనిలో బిజీగా ఉండటంతో సమ్ కాల్షీట్లు అన్ని నాగార్జున దగ్గరుండి చూసుకుంటున్నారట. ఎవరైనా కథలు వినిపించాలని వచ్చినా, మరేదైనా కారణమైనా ముందు నాగ్‌ను కలవమంటోందట..ఆయన ఓకే అంటేనే నేను ఓకే అని పక్కాగా తేల్చి చెప్పిందట సమంత.
ఇంకేముందీ..సామ్‌ సూచనను వారు తూ.చ తప్పకుండా పాటిస్తున్నారట. ఇందులో వింతేంటంటే నాగ్ సీన్‌లోకి ఎంటరైన తర్వాతే సమంతకు వరుస ఆఫర్లు క్యూకట్టాయట. సక్సెస్‌ఫుల్ బిజినెస్‌మెన్‌గా ప్రూవ్ చేసుకున్న నాగ్ కాబోయే కోడలి కోసం మేనేజర్‌గా మారిపోయాడని ఫిల్మ్‌నగర్‌లో గుసగుసలాడుకుంటున్నారు.
