మెగా పవర్ స్టార్ రామ్ చరణ్-సమంత కాంబినేషన్‌లో సుకుమార్ దర్శకత్వంలో తెరకెక్కిన చిత్రం రంగస్థలం. పల్లెటూరి నేపథ్యంలో తెరకెక్కిన ఈ సినిమా అన్నివర్గాల ప్రేక్షకులను ఆకట్టుకుంటోంది. దాదాపు రూ. 150 కోట్లు వసూలు చేసి బాక్సాఫీస్‌ని షేక్ చేసింది. ఇక ఈ సినిమాలో రామ్ చరణ్-సమంత నటనకు అంతాఫిదా అయిపోయారు. విమర్శకులు సైతం సినిమాపై ప్రశంసలు గుప్పించడంతో బాక్సాఫీస్ వద్ద కలెక్షన్ల జోరు కొనసాగుతూనే ఉంది.
తాజాగా రామ్ చరణ్, సమంతపై ప్రశంసలు గుప్పించాడు నాగ్. గ‌త ఏడాది నాగ చైత‌న్యని వివాహం చేసుకొని అక్కినేని కోడ‌లిగా మారింది సమంత. పెళ్లి త‌ర్వాత ఈ అమ్మ‌డు వ‌రుస సినిమాల‌తో బిజీ అయింది. రామ్ చరణ్ నువ్వు రంగస్థలం చిత్రంలో అద్భుత‌మైన ప‌ర్‌ఫార్మెన్స్ ఇచ్చావు. పాత్ర‌లో పూర్తిగా ఇన్వాల్వ్ అయి చేశావు. అఫ్‌కోర్స్ సమంత నిన్ను చూసి చాలా గ‌ర్వ‌ప‌డ‌తున్నానని ట్వీట్ చేశాడు.
సినిమా ఎంత అందంగా ఉంది… ఇలాంటి సినిమా నిర్మించిన మైత్రి మూవీ మేక‌ర్స్‌కి శుభాకాంక్ష‌లు అని తెలిపారు. నాగ్ ట్వీట్‌కు సమంత సైతం రిప్లై ఇచ్చింది. థ్యాంక్యూ మామ అని ట్వీట్ చేసింది. ఇక ప్రస్తుతం సమంత నటించిన మహానటి మే 9న ప్రేక్షకుల ముందుకు రానుంది.
