చందు మొండేటితో నాగ్!

వరుస సినిమాలతో అలరించేందుకు సిద్ధమవుతున్నారు హీరో నాగార్జున. ఇందులో భాగంగా ప్రస్తుతం ‘డెవిల్‌’ చిత్రం తెరకెక్కుతుండగా తర్వాత మోహన్‌ రాజా దర్శకత్వంలో ఓ సినిమా చేయనున్నారు. ఈ రెండు లైన్లో ఉండగానే మరో సినిమాకు గ్రీన్ సిగ్నల్ ఇచ్చారు నాగ్.

యువ దర్శకుడు చందూ మొండేటి నాగ్‌ కోసం ఓ స్ర్కిప్టు రెడీ చేస్తున్నారు. ఇందులో నాగ్‌ని పోలీస్‌ అధికారిగా చూపించబోతున్నారట. ఈ విషయాన్ని స్వయంగా ఆయనే వెల్లడించారు.

నాగార్జున అంటే తనకు చాలా ఇష్టం అని… ఆయన కోసం ఓ కథ తయారు చేస్తున్నా అని తెలిపారు. ఇందులో నాగార్జున పోలీస్‌ అధికారిగా కనిపిస్తారని…ఇంకా కథపై కసరత్తు చేస్తున్నా అని తెలిపారు. ప్రస్తుతం చందూ మొండేటి దర్శకత్వం వహించిన ‘కార్తికేయ 2’ విడుదలకు సిద్ధంగా ఉంది.