మై ఛానల్ నా ఇష్టం పేరుతో యూ ట్యూబ్ ఛానల్ ప్రారంభించిన మెగాబ్రదర్ నాగబాబు మరోసారి టీడీపీ,చంద్రబాబు,లోకేశ్‌లపై సెటైర్లు వేశారు.జబర్దస్త్ కామెడీ షోతో బాగా పాపులర్ అయిన కమెడియన్స్‌ని రంగంలోకి దించి టీడీపీ అండ్‌ కోని ఎండగడుతున్నారు.
తాజా వీడియోలో చంద్రబాబు, లోకేష్ లను ఇన్ డైరెక్ట్‌గా టార్గెట్ చేస్తూ బ్రీఫ్డ్ మీ, పప్పు, ప్రభుత్వ పథకాలు, పాదయాత్రలు, బయోపిక్‌లు తదితర అంశాలను ప్రస్తావిస్తూ సెటైర్లు వేశారు. పప్పు అంటే ఎవరు స్వామి అంటే.. తను ఒకటి మాట్లాడాలనుకుంటే దేవుడు ఆయనతో ఇంకోటి మాట్లాడిస్తాడు తననే పప్పు అంటారు నాయనా అని ఇన్ డైరెక్ట్‌గా లోకేష్ కి పంచ్‌లు వేశారు.
ఎలక్షన్స్ కోసం చేసే కిక్‌నే బయోపిక్ అంటారు, ఇంకా ఆయన అభివృద్ధి చేస్తారని నమ్మేవాళ్లని ఎర్రిపప్పులు అంటారు అంటూ పంచ్‌లు విసిరారు. వీటితో పాటు పోలవరం ప్రాజెక్ట్ పైన పంచ్ పేల్చారు. బ్రీఫ్డ్ మీ ఈ వాయిస్ నాది కాదు ఎవరో మిమిక్రీ చేశారు లాంటి డైలాగ్స్‌తో ఆలోచింపచేశారు నాగబాబు. చివరలో ఇది బ్యాంకాక్‌ దేశంలో బాలానంద మహరాజు పటాయా సముద్ర తీరంలో తన శిష్యులకి చెప్పిన గొప్ప ప్రవచనాలు అంటూ ముగించారు.
https://youtu.be/W7hWr3CsB1I
