జూన్ 1 నుండి ఉత్తరాంధ్రకు నాగబాబు!

ఏపీలో రాజకీయాలు రసవత్తరంగా మారాయి. వైసీపీకి వ్యతిరేకంగా టీడీపీ,జనసేన,బీజేపీ ఒక్కటయ్యేందుకు పావులు కదుపుతుండగా పవన్ సైతం యాక్టివ్‌గా మారారు. ఇప్పటికే కౌలు రైతుల భరోసా యాత్ర పేరిట పవన్ పర్యటిస్తుండగా తాజాగా మెగాబ్రదర్ నాగబాబు సైతం సిద్ధం అయ్యారు.

జూన్ 1 నుంచి ఉత్తరాంధ్రలో పర్యటించనున్నారు నాగబాబు. ఉత్తరాంధ్రకు చెందిన జనసేన ముఖ్య నేతలు, జిల్లా కమిటీ నేతలు, నియోజకవర్గ కమిటీ నేతలు, వివిధ విభాగాల కమిటీ నేతలు, కార్యకర్తలతో సమావేశం కానున్నారు. పార్టీ అభివృద్ధికి శ్రేణుల నుంచి సలహాలు, సూచనలను స్వీకరించనున్నారు.

ఈ సందర్భంగా వివిధ పార్టీలకు చెందిన నేతలతో నాగబాబు సమావేశం కానున్నారు. నాగబాబు పర్యటన కోసం జనసేన నేతలు ఏర్పాట్లు చేస్తున్నారు.