‘మనం’ డైరెక్టర్ విక్రమ్ కుమార్ డైరెక్షన్ లో అక్కినేని అఖిల్ క‌థానాయ‌కుడిగా న‌టిస్తున్న చిత్రం ‘హలో’. ప్ర‌స్తుతం ఈ మూవీ.. శరవేగంగా షూటింగ్ జరుపుకుంటోంది. ఈ సినిమాలో అఖిల్ సరసన కళ్యాణి ప్రియదర్శన్ హీరోయిన్ గా నటిస్తోంది. నాగార్జున నిర్మాతగా అన్నపూర్ణ స్టూడియోస్ లో నిర్మితమౌతున్న ఈ సినిమాకి అనూప్ రూబెన్స్ మ్యూజిక్ అందిస్తున్నాడు. త్వరలో ఈ చిత్రం టీజర్ విడుదల కాబోతోంది.
అయితే టీజర్‌లో అఖిల్ తండ్రి నాగార్జున వాయిస్ ఓవర్ ఇవ్వనున్నట్లు టాలీవుడ్‌ వర్గాల సమాచారం. అయితే ఈ విషయాన్ని చిత్ర యూనిట్ ఇంకా ధృవీకరించలేదు. ఈ సినిమాని ఎలాగైనా హిట్ చేసి అఖిల్ ని లైన్ లో పెట్టాలనుకుంటున్న నాగ్, టీజర్ కి గనక వాయిస్ ఓవర్ ఇస్తే సినిమా మీద హైప్ పెంచొచ్చు అనే టాక్ కూడా ఫిలిం ఇండస్ట్రీ లో వినిపిస్తోంది. క్రిస్మ‌స్ సంద‌ర్భంగా ఈ చిత్రాన్ని డిసెంబర్ 22న ప్రేక్షకుల ముందుకు తీసుకురావడానికి సన్నాహాలు జరుగుతున్నాయి.
