బుల్లితెరపై టాలీవుడ్ బిగ్ బాస్ సత్తాచాటుతున్న సంగతి తెలిసిందే. ఇప్పటివరకు ఏ రియాల్టీ షోకు రానంతగా టీఆర్పీ రేటింగ్స్‌తో బిగ్ బాస్ సత్తా చాటింది. ఈ నేపథ్యంలో షో హోస్ట్‌ ఎన్టీఆర్ కు సీనియర్ హీరో నాగార్జున శుభాకాంక్షలు తెలిపారు. బిగ్ బాస్ తొలి వారం అద్భుత రీతిలో సాగింది. కంగ్రాచ్యులేషన్స్ టూ తారక్. నీలో ఎనర్జీ ఎంతో గొప్పగా ఉంది” అని నాగార్జున నిన్న రాత్రి 11.54 గంటల సమయంలో ట్వీట్ చేశాడు.
నాగ్ ట్వీట్ పై స్పందించిన ఎన్టీఆర్ థ్యాంక్స్ బాబాయ్ అంటూ రిప్లై ఇచ్చాడు. మీరు చూపించిన మార్గమే ఇందుకు కారణం అంటూ ట్వీట్ చేశాడు. 70 రోజుల పాటు కొనసాగనున్న బిగ్ బాస్ షోలో శని, ఆదివారాల్లో మాత్రమే ఎన్టీఆర్ కనిపిస్తున్నాడు.
ప్రస్తుతం స్టార్ మా లో ప్రసారం అవుతున్న బిగ్ బాస్ షో ఓపెనింగ్ వీక్ లో అద్భుతమైన టీఆర్పీలను సాధించింది. ముఖ్యంగా ఎన్టీఆర్ వ్యాఖ్యాతగా వ్యవహరిస్తున్న ఎపిసోడ్స్ రికార్డ్ స్థాయి టీఆర్పీలు రావటంతో ఎన్టీఆర్ బుల్లితెర మీద కూడా సూపర్ హిట్ కొట్టాడని అభిమానులు పండగచేసుకుంటున్నారు.చిన్న స్క్రీన్ ను మరింత పెద్దదిగా మార్చిన లెజండ్‌ అంటూ ఫ్యాన్స్ మురిసిపోతున్నారు.
