మునుగోడు బైపోల్…నామినేషన్‌ ఆఖరి రోజు

మునుగోడు బై పోల్ నామినేషన్ల పర్వం నేటితో ముగియనుంది. ఇవాళ నామినేషన్లకు చివరి రోజు కావడంతో పెద్ద సంఖ్యలో దాఖలు అయ్యే అవకాశం ఉంది. ఈ నెల 15న నామినేషన్లను పరిశీలించనుండగా 17వ తేదీ వరకు నామినేషన్ల ఉపసంహరణకు గడువు ఉంది. నవంబర్‌ 3న పోలింగ్‌ జరుగనుండగా, అదేనెల 6న ఫలితాలు వెలువడనున్నాయి.

ఇప్పటివరకు 56 మంది అభ్యర్థులు 87 సెట్ల నామినేషన్లు దాఖలు చేశారు. ఇందులో గురువారం ఒక్కరోజే 24 మంది అభ్యర్థులు 35 సెట్ల నామినేషన్లు సమర్పించారు. చివరి రోజైన నేడు పెద్ద సంఖ్యలో నామినేషన్లు దాఖలు చేసే అవకాశం ఉన్నట్లు తెలుస్తున్నది.

బీజేపీ నుండి రాజగోపాల్ రెడ్డి, కాంగ్రెస్ అభ్యర్ధి పాల్వాయి స్రవంతి రెడ్డి, టీఆర్ఎస్ నుండి కూసుకుంట్ల ప్రభాకర్‌ రెడ్డి ఇప్పటికే నామినేషన్లు దాఖలు చేశారు.