అక్కినేని అఖిల్ హీరోగా నటిస్తున్న చిత్రం ‘మిస్టర్ మజ్ను’. రొమాంటిక్ లవ్ స్టోరీగా తెరకెక్కుతున్న ఈ సినిమా జనవరిలో ప్రేక్షకుల ముందుకురానుంది. తొలి ప్రేమ సినిమాతో సూపర్ హిట్ అందుకున్న వెంకీ అట్లూరి ఈ సినిమాకి దర్శకత్వంలో వహిస్తుండగా ఇప్పటికే విడుదలైన ఫస్ట్ లుక్‌,రిలీజ్ డేట్ పోస్టర్‌ అందరిని ఆకట్టుకుంటోంది. ఈ నేపథ్యంలో మరో అప్‌డేట్‌ని ఇచ్చారు హీరో అఖిల్.
ప్రస్తుతం ప్యాచ్ వర్క్ జరుగుతోందని ట్వీట్టర్‌లో ట్వీట్ చేశారు. ఒక్క సాంగ్ మిన‌హా చిత్ర షూటింగ్ అంతా డిసెంబ‌ర్ 3 వ‌ర‌కు పూర్త‌వుతుంది. చిత్రాన్ని జనవరిలో త‌ప్ప‌క విడుద‌ల చేస్తాం. ఇన్ని రోజులుఎంతో ఓపిక‌గా ఉన్న అభిమానుల‌కి ధ‌న్య‌వాదాలు అని తెలిపారు అఖిల్.
తమన్ సంగీతం అందిస్తుండ‌గా, ఎస్విసిసి పతాకం ఫై బివిఎస్ఎన్ ప్రసాద్ నిర్మిస్తున్నారు. నిధి అగర్వాల్ కథానాయికగా నటిస్తున్న ఈ సినిమాలో విద్యుల్లేఖారామన్ కీలక పాత్రలో క‌నిపించ‌నుంది.
Good morning !!! An update on #MrMajnu ! Patch work going on full swing and we wrap the film by dec 3rd. Then it’s just one set song for us and then gearing up for our release in Janurary. Thank you all for being patient 🙏🏻 the time has come to start rolling content out soon. 🤗
— Akhil Akkineni (@AkhilAkkineni8) November 28, 2018
