రక్తదానం చేసిన ఎంపీ సంతోష్ కుమార్

టీఆర్ఎస్ పార్టీ 20వ ఆవిర్భావ వేడుకలు రాష్ట్ర వ్యాప్తంగా నిరాడంబరంగా జరుగుతున్నాయి. పలు జిల్లాల్లో రక్తదాన శిబిరాలు నిర్వహించారు టీఆర్ఎస్ నేతలు. ఖైరతాబాద్ ఎమ్మెల్యే దానం నాగేందర్ ఆధ్వర్యంలో బంజారాహిల్స్‌ బంజారా ఫంక్షన్‌ హాల్‌లో రక్తదాన శిబిరాన్ని నిర్వహించారు.

ఈ కార్యక్రమానికి ముఖ్యఅతిథిగా ఎంపీ సంతోష్ కుమార్ హాజరై రక్తదానం చేశారు. సంతోష్‌తో పాటు మంత్రి శ్రీనివాస్ గౌడ్ , ఎమ్మెల్యే బాల్క సుమన్ , మేయర్ బొంతు రామ్మోహన్ , ఎమ్మెల్సీలు కర్నె ప్రభాకర్ , నవీన్ రావు , గ్రీన్ ఇండియా ఛాలెంజ్ కో.ఫౌండర్ రాఘవ , ప్రతినిధి కిశోర్ గౌడ్ తదితరులు పాల్గొన్నారు.