థాంక్యూ దేవి: ఎంపీ సంతోష్ కుమార్

రాజ్యసభ సభ్యులు ఎంపీ సంతోష్ కుమార్ చేపట్టిన గ్రీన్ ఛాలెంజ్‌లో భాగంగా మైత్రీ మూవీస్ రవి ఇచ్చిన ఛాలెంజ్‌ని స్వీకరించి మొక్కలు నాటారు సంగీత దర్శకుడు దేవీ శ్రీ ప్రసాద్. తనను ఇంతమంచి కార్యక్రమంలో భాగస్వామ్యం చేసినందుకు ఎంపీ సంతోష్‌కు కృతజ్ఞతలు తెలిపారు.

తన తల్లితో కలిసి తన ఇంట్లో మొక్కలు నాటానని తెలిపిన దేవీ…మరో ఇద్దరిని ఈ కార్యక్రమానికి నామినేట్ చేస్తున్నానని తెలిపారు. హరీష్ శంకర్,శృతిహాసన్‌లను మొక్కలు నాటాల్సిందిగా కోరారు.

గ్రీన్ ఛాలెంజ్‌లో భాగంగా మొక్కలునాటిన దేవీకి థాంక్యూ చెప్పారు ఎంపీ సంతోష్ కుమార్‌. అమ్మతో కలిసి మొక్కలు నాటడం తన హృదయాన్ని హత్తుకుందని…భవిష్యత్ తరాల కోసం ఈ కార్యక్రమాన్ని మరింత ముందుకు తీసుకెళ్లాలని చెప్పారు.