ఢిల్లీలో బుధవారం రాష్ట్రపతి ప్రసంగం ధన్యవాద తీర్మానంపై లోక్ సభలో ఎంపీ కొత్త ప్రభాకర్ రెడ్డి మాట్లాడారు. ముఖ్యమంత్రి కేసీఆర్ ఆధ్వర్యంలో దేశంలోనే హైదరాబాద్ నగరం మోస్ట్ డైనమిక్ సిటీగా నిలిచిందని జెఎల్ఎల్ సంస్థ నివేదిక స్పష్టం చేసింది. తెలంగాణ ప్రభుత్వం 2020సంవత్సరాన్నీ రాష్ట్ర ఆర్టిఫిషియల్ ఇంటెలిజెన్స్ ఇయర్‌గా ప్రకటించింది. ఆర్టిఫిషియల్ ఇంటెలిజెన్స్, బ్లాక్‌చెయిన్ మరియు డ్రోన్‌ల వంటి అభివృద్ధి చెందుతున్న సాంకేతిక పరిజ్ఞానాన్ని వర్తింపజేయడంలో రాష్ట్రం ముందంజలో ఉందని ఎంపీ తెలిపారు.
జాతీయ సగటు 8-10% తో పోల్చితే 2018-19లో తెలంగాణ ఐటి, ఐటిఇఎస్ ఎగుమతులు 16.89% ఉన్నాయి.తెలంగాణ ఐటి రంగం 5,43,033 మందికి ప్రత్యక్ష ఉపాధి కల్పించింది. గత నెలలో స్విట్జర్లాండ్‌లోని దావోస్‌లో జరిగిన ప్రపంచ ఆర్థిక వేదిక సదస్సు సందర్భంగా తెలంగాణ పెవిలియన్‌లో ప్రపంచ పరిశ్రమల నాయకులతో మా ఐటి శాఖ మంత్రి కెటిఆర్ వరుస ద్వైపాక్షిక సమావేశాలు నిర్వహించారు. వివిధ దేశాల నుండి భారీ స్పందన వచ్చిందన్నారు.
అన్ని జాతీయ, అంతర్జాతీయ కంపెనీలు హైదరాబాద్ వేదికగా తమ ప్రాజెక్టులను స్థాపించడానికి, విస్తరించడానికి ప్రాధాన్యత ఇస్తున్నాయి. ఆస్ట్రేలియా, స్విట్జర్లాండ్ మరియు ఇతర దేశాల సహకారంతో “వి హబ్” మరియు “టి హబ్” కింద ఇంక్యుబేషన్, ఇంక్యుబేటర్లు మరియు ఇన్నోవేషన్ సదుపాయాలను కల్పించడం ద్వారా స్టార్టప్‌ల ఏర్పాటుతో మహిళా పారిశ్రామికవేత్తలను మరియు కార్మికులను మా తెలంగాణ ప్రభుత్వం ప్రోత్సహిస్తోంది.
నగరాలు మరియు పట్టణాలను నివాసయోగ్యంగా మరియు ఆరోగ్యంగా మరియు ఆర్థిక సహాయం చేయడానికి నీరు, పారిశుధ్యం, మురుగునీటి నిర్వహణ మరియు వ్యర్థ జలాల రీ-సైక్లింగ్‌లో స్టార్ట్-అప్స్ మరియు ఇన్నోవేషన్స్‌ను ప్రోత్సహించడానికి శానిటేషన్ హబ్ ఇంక్యుబేటర్‌ను ఏర్పాటు చేస్తున్నట్లు తెలంగాణ రాష్ట్రం ఇప్పటికే ప్రకటించింది. ఈ ప్రాజెక్టును ముందుకు తీసుకెళ్లడానికి కేంద్రం నుంచి 25 కోట్ల ఆర్థిక సహాయం అవసరం. 2వేల కోట్ల రూపాయలతో యాదాద్రి దేవాలయం రూపుదిద్దుకుంటోంది.
నా పార్లమెంటరీ నియోజకవర్గంలో ఏడుపాయల దుర్గ భవానీ ఆలయం, మెదక్ చర్చి, కాకతీయ రాజులు కట్టిన కోట ఉన్నాయి. ప్రసాద్ పథకంలో వాటిని చేర్చి మౌలిక వసతులు కల్పించాలి. కాళేశ్వరం ఎత్తిపోతల పథకంలో ఎన్నో రిజర్వాయర్లు నిర్మాణం జరిగింది.. వాటి సమీప ప్రాంతాలను అభివృద్ధి చేస్తే జీవనోపాధి పెరిగే అవకాశం ఉంది.. రాష్ట్రంలోని మిడ్ మానేరు ప్రాజెక్టు మత్స్య సంపద కేంద్రంగా నిలిచింది. మొబైల్ చేపల విక్రయ కేంద్రాల ఏర్పాటుకు సహాయం అందించాలి. ఫార్మా, లైఫ్ సైన్సెస్ రంగంలో హైదరాబాద్ దేశంలోనే నంబర్ వన్ స్థానంలో ఉంది.
