రెండు రోజుల క్రితం రిజర్వ్ బ్యాంక్ ఆఫ్ ఇండియా చెలామణిలోకి తీసుకు వచ్చిన కొత్త రూ. 200 నోట్ల కోసం జనాలు ఎగబతున్నారు.
ఈ నోట్లను ప్రస్తుతానికి కేవలం రిజర్వ్ బ్యాంకు కార్యాలయాల నుంచి మాత్రమే అందిస్తుండగా, ఆర్‌బిఐ కార్యాలయాల వద్ద పెద్ద ఎత్తున క్యూలైన్లలో నిలబడి ఈ నోట్లను సొంతం చేసుకుంటున్నారు. నోట్ల రద్దు తరువాత రూ. 1000 నోట్లు కనుమరుగు కాగా, ఆ స్థానంలో రూ. 2 వేల నోట్లు మార్కెట్లోకి వచ్చిన సంగతి తెలిసిందే.
ఈ నేపథ్యంలో ప్రజలు డబ్బు మార్చుకునేందుకు ఇబ్బందులు ఎదుర్కొంటుండగా, కొత్తగా వచ్చిన రూ. 200తో ఈ కష్టాలు తీరుతాయని కేంద్రం భావిస్తోంది. ఈ నోట్లను ఏటీఎంల ద్వారా అందించాలన్న ఉద్దేశం తమకు లేదని ఇప్పటికే ఆర్బీఐ స్పష్టం చేసిన నేపథ్యంలో, ప్రస్తుతం రిజర్వ్ బ్యాంక్ కార్యాలయాలు, ఆపై తదుపరి వారం నుంచి బ్యాంకుల ద్వారా ఇవి అందుబాటులోకి రానున్నాయి.
ఈ నోట్లను పెద్దఎత్తున చెలామణిలోకి తీసుకురావాలని భావిస్తున్న కేంద్రం, భద్రతా ఫీచర్లను పెంచి సరికొత్త రూ. 50 నోటును కూడా విడుదల చేసిన సంగతి తెలిసిందే.
 said the supply of Rs 200 notes, ... up by the currency printing presses and over time as more notes are){kind=link}