రాష్ట్ర ప్ర‌జ‌ల‌కు ఎమ్మెల్సీ క‌విత హోలీ శు‌భాకాంక్ష‌లు..

టీఆర్ఎస్ ఎమ్మెల్సీ క‌ల్వ‌కుంట్ల క‌విత రాష్ట్ర ప్ర‌జ‌ల‌కు హోలీ శు‌భాకాంక్ష‌లు తెలిపారు. ఈమేరకు ఆమె ఓ వీడియో విడుద‌ల చేశారు. చిన్న పెద్ద అందరూ హోలీ పండుగను సంతోషంగా జరుపుకోవాలని, ఆర్గానిక్ రంగుల‌నే వినియోగించాల‌ని కవిత ప్ర‌జ‌ల‌ను కోరారు. సీఎం కేసీఆర్‌ పరిపాలనలో తెలంగాణ ప్రజలంతా అనందంగా ఉన్నారని తెలిపారు. అలాగే ఇటీవ‌లే రాష్ట్రంలో 80 వేలకు పైగా ఉద్యోగాల భ‌ర్తీకి సీఎం కేసీఆర్ ప్ర‌క‌ట‌న చేసిన విష‌యాన్ని గుర్తు చేసిన ఆమె.. ఉద్యోగ నియామక‌ ప‌రీక్ష‌లపై శ్ర‌ద్ధ పెట్ట‌డంతో ఉద్యోగాల‌ను సాధించి ప్ర‌భుత్వ పారిపాల‌న‌లో భాగ‌స్వాములు కావాల‌ని తెలంగాణ నిరుద్యోగుల‌కు పిలుపునిచ్చారు.