రైతుల కోసం..ఎమ్మెల్యే రూ.2కోట్ల విరాళం!

సీఎం రేవంత్ రెడ్డిని కలిసి రూ.2 కోట్ల చెక్కు అందించారు ఎమ్మెల్యే బత్తుల లక్ష్మారెడ్డి. కుటుంబ సభ్యులతో కలిసి రూ.2 కోట్లను తన నియోజకవర్గంలోని రైతుల కోసం ఖర్చు చేయాలని సీఎంకు విజ్ఞప్తి చేశారు బత్తుల లక్ష్మారెడ్డి.

ఈ డబ్బుతో లక్ష మంది రైతులకు ఒక్కో యూరియా బస్తా ఉచితంగా అందజేయాలని కోరారు ఎమ్మెల్యే. ఇటీవల తన కుమారుడు సాయిప్రసన్న వివాహం కాగా, మిర్యాలగూడలో భారీ ఎత్తున రిసెప్షన్ ఏర్పాటు చేయాలని భావించారు ఎమ్మెల్యే లక్ష్మారెడ్డి.

అయితే రిసెప్షన్ రద్దు చేసుకుని, ఆ డబ్బును రైతుల కోసం ఖర్చు చేయడానికి ముందుకొచ్చారు ఎమ్మెల్యే. ఈ మేరకు లక్ష్మారెడ్డి కుటుంబ సభ్యులను అభినందించారు సీఎం రేవంత్ రెడ్డి.

Also Read:‘భద్రకాళి’..నా కెరీర్‌లోనే బిగ్గెస్ట్ మూవీ!