పర్యాటక మంత్రిత్వ శాఖ, భారత ప్రభుత్వం ప్రతి సంవత్సరం ట్రావెల్ అండ్ టూరిజం పరిశ్రమలోని వివిధ విభాగాలకు జాతీయ పర్యాటక అవార్డులను అందజేస్తుంది. ఈ పురస్కారాలను రాష్ట్ర ప్రభుత్వాలు, కేంద్రపాలిత ప్రాంతాలు,వర్గీకృత హోటళ్ళు, హెరిటేజ్ హోటళ్ళు, ఆమోదించిన ట్రావెల్ ఏజెంట్లు, టూర్ ఆపరేటర్లు మరియు పర్యాటక రవాణా ఆపరేటర్లు,వ్యక్తులు మరియు ఇతర ప్రైవేట్ సంస్థలకు ఆయా రంగాలలో వారి పనితీరును గుర్తించి,ఆరోగ్యకరమైన పోటీని మరియు పర్యాటకాన్ని ప్రోత్సహించడం లక్ష్యంగా పెట్టుకున్నది.
గత నాలుగేళ్లుగా తెలంగాణ ప్రభుత్వం వరుసగా వివిధ విభాగాలలో జాతీయ పర్యాటక పురస్కారాలను అందుకుంది. ఈ సంవత్సరం, తెలంగాణ ప్రభుత్వం ఈ క్రింది జాతీయ పర్యాటక పురస్కారాలను అందుకుంది. ఐటి యొక్క అత్యంత వినూత్న ఉపయోగం- సోషల్ మీడియా / మొబైల్ అనువర్తనం / వెబ్సైట్ అవార్డును తెలంగాణ ప్రభుత్వ పర్యాటక శాఖ మొబైల్ యాప్ “ఐ ఎక్సప్లోర్ తెలంగాణ” అందుకున్నారు. ఉత్తమ వైద్య పర్యాటక సౌకర్యం అవార్డును అపోలో ఆసుపత్రి వారు అందుకున్నారు.
జాతీయ పర్యాటక అవార్డు వేడుకను భారత ప్రభుత్వ పర్యాటక మంత్రిత్వ శాఖ 2019 సెప్టెంబర్ 27న న్యూ ఢిల్లీలోని విజ్ఞాన్ భవన్‌లో “ప్రపంచ పర్యాటక దినోత్సవ వేడుకలు 2019” నిర్వహిస్తోంది. ఈ కార్యక్రమానికి భారత ఉప రాష్ట్రపతి ఎం. వెంకయ్య నాయుడు ముఖ్య అథితిగా విచ్చేసి విజేతలకు అవార్డులను అందజేశారు, ఆయనతో పాటు ప్రహ్లాద్ సింగ్ పటేల్ పర్యాటక, సాంస్కృతిక మంత్రిత్వ శాఖ వారు కూడా మంత్రి కూడా ఈ కార్యక్రమంలో పాల్గొన్నారు.
తెలంగాణ పర్యటక శాఖ మంత్రి వి. శ్రీనివాస్ గౌడ్, సి. పార్థసారథి, IAS.,ప్రభుత్వ ప్రధాన కార్యదర్శి, వైఏటీ అండ్ సి డిపార్ట్మెంట్, సునీతా ఎం భగవత్ IFS,పర్యాటక శాఖ కమిషనర్ బి.మనోహర్, మేనేజింగ్ డైరెక్టర్ (ఆ భా), తెలంగాణ స్టేట్ టూరిజం డెవలప్మెంట్ కార్పొరేషన్, అవార్డును అందుకున్నారు.
తెలంగాణ అందుకున్న జాతీయ పర్యాటక పురస్కారాల వివరాలు..
1.మొబైల్ యాప్: “ఐ ఎక్సప్లోర్ తెలంగాణ”:భారతదేశంలో ప్రత్యేకమైన మరియు మొట్టమొదటి మొబైల్ యాప్ ను తెలంగాణా ప్రభుత్వ పర్యాటక శాఖ ప్రారంభించింది. గ్రేటర్ హైదరాబాద్ మున్సిపల్ కార్పొరేషన్ (జిహెచ్ఎంసి), ఆర్కియాలజికల్ సర్వే ఆఫ్ ఇండియా (ఎఎస్ఐ), పోలీసు శాఖ, అటవీ శాఖ, హైదరాబాద్ మెట్రోపాలిటన్ డెవలప్మెంట్ అథారిటీ (హెచ్ఎండిఎ), సౌత్ సెంట్రల్ రైల్వే (ఎస్సిఆర్), హైదరాబాద్ మెట్రో రైల్ (హెచ్ఎంఆర్), తెలంగాణ స్టేట్ రోడ్ ట్రాన్స్పోర్ట్ కార్పొరేషన్ (టిఎస్ఆర్టిసి), ఆరోగ్య, వైద్య, కుటుంబ సంక్షేమ శాఖ, ప్రాంతీయ రవాణా అథారిటీ వంటి అన్ని లైన్ విభాగాలతో సంప్రదించి ఈ సహకారాన్ని రూపొందించారు.
ఇది పర్యాటకులకు పర్యటన ప్రదేశాలకు సంబంధించిన విస్తృత సమాచారాన్ని అందిస్తుంది. ఈ మొబైల్ యాప్, అతిథులకు తెలంగాణా రాష్ట్రాన్ని సురక్షితమైన గమ్యస్థానంగా చేయడానికి మరియు దాని చారిత్రక వారసత్వం మరియు గొప్ప సంస్కృతిని ఒకే ఇంటర్ఫేస్లో అన్వేషించడానికి ఉపయోగపడుతుంది.
సరికొత్త బ్లూటూత్‌లో ఎనర్జీ (బిఎల్ఇ) ఆధారంగా, బీకాన్లు అనేవి వివిధ పర్యాటక ప్రదేశాలలో యాప్‌లో భాగంగా విలీనం చేయబడ్డాయి. అవసరమైన సమాచారంతో గమ్యస్థానాలకు సమీపంలో స్వయంచాలక నవీకరణలను (ఆటోమేటిక్ అప్ డేట్) స్వీకరించడానికి ఈ అంశం పర్యాటకులను అనుమతిస్తుంది.
మొబైల్ యాప్, గమ్యస్థానాల గురించి అంతర్జాతీయ మరియు జాతీయ పర్యాటకులకు సేవలను అనుసంధానం చేస్తుంది మరియు మెరుగుపరుస్తుంది – ప్రయాణ సమాచారం, దూరాలు, టికెటింగ్ వ్యవస్థలు, పార్కులు మొదలైన అనేక ఇతర సేవలు ప్రతిబింబిస్తాయి. ఈ విధంగా మొబైల్ యాప్ పర్యాటకులు / సందర్శకులు రాష్ట్రంలోని వివిధ పర్యాటక ప్రదేశాలకు ప్రయాణించడానికి నూతన మరియు సంపూర్ణ అనుభవంతో సహాయపడుతుంది.
2.అపోలో ఆసుపత్రి: అపోలో హాస్పిటల్స్ భారతదేశంలో ఆధునిక ఆరోగ్య సంరక్షణ కేంద్రం. దేశం యొక్క మొట్టమొదటి కార్పొరేట్ ఆసుపత్రిగా, అపోలో హాస్పిటల్స్ దేశంలో ప్రైవేట్ హెల్త్ కేర్ విప్లవానికి మార్గదర్శకత్వం వహించినందుకు ప్రశంసలు అందుకున్నాయి. ఇది ఆసియాలో మొట్టమొదటి ఇంటిగ్రేటెడ్ హెల్త్కేర్ సర్వీసెస్ ప్రొవైడర్గా అవతరించింది మరియు హాస్పిటల్స్, ఫార్మసీలు, ప్రైమరీ కేర్ అండ్ డయాగ్నొస్టిక్ క్లినిక్‌లు మరియు అనేక రిటైల్ హెల్త్ మోడళ్లతో సహా ఆరోగ్య సంరక్షణ పర్యావరణ వ్యవస్థలో బలమైన ఉనికిని కలిగి ఉంది.
అపోలో హాస్పిటల్స్ వారి లక్ష్యం అంతర్జాతీయ ప్రమాణాల ఆరోగ్య సంరక్షణను ప్రతి వ్యక్తి పరిధిలోకి తీసుకురావడం మరియు మానవత్వం యొక్క ప్రయోజనం కోసం విద్య, పరిశోధన మరియు ఆరోగ్య సంరక్షణలో రాణించటానికి కట్టుబడి ఉంది.
