కరీంనగర్ కళోత్సవాలకు మంత్రి కేటీఆర్..

ఇవాళ కరీంనగర్ జిల్లాలో పర్యటించనున్నారు మంత్రి కేటీఆర్. బతుకమ్మ, దసరా పండుగల సందర్భంగా కరీంనగర్‌లో నిర్వహించనున్న కళోత్సవాలకు హాజరుకానున్నారు. రోజూ సాయంత్రం 4 నుంచి రాత్రి 11 వరకు సాగే కార్యక్రమాలను ఒకేసారి 20 వేల మందికిపైగా వీక్షించేలా పట్టణంలోని అంబేద్కర్‌ మైదానాన్ని తీర్చిదిద్దారు.

అక్టోబర్‌ 2 వరకు ఈ వేడుకలు జరగనున్నాయి. కళోత్సవాల్లో భాగంగా జాతీయ, అంతర్జాతీయ కళాకారులు ప్రదర్శనలు ఇవ్వనున్నారు. దేశంలోని 28 రాష్ట్రాలు, విదేశాల నుంచి మొత్తం 150 కళా బృందాలు పాల్గొననున్నాయి. ఒక్కో బృందంలో 15 నుంచి 18 మంది కళాకారులు ప్రదర్శనలు ఇవ్వనున్నారు.

జిల్లా చరిత్ర వైభవాన్ని, తెలంగాణ సంస్కృతులు, జానపదాలు వంటి విభిన్న కళాకృతులను చాటి చెప్పడమే కాకుండా.. వివిధ రాష్ర్టాల్లోని సంప్రదాయ కళాప్రదర్శనలు, ఐదు దేశాల నుంచి కళాకారులను రప్పించి ప్రదర్శనలు ఇవ్వనున్నారు.