ఎమ్మెల్సీ కవితకు అభినందనల వెల్లువ..

ఎమ్మెల్సీగా బాధ్యతలు స్వీకరించిన కల్వకుంట్ల కవితకు పలువురు ‌మంత్రులు, ఎమ్మెల్యేలు, టీబీజీకేఎస్ నాయకులు, టీఆర్ఎస్ ‌కార్యకర్తలు అభినందనలు తెలియజేశారు. మంత్రి అల్లోల ఇంద్రకరణ్‌రెడ్డి, ఎమ్మెల్యేలు కంచర్ల భూపాల్ రెడ్డి, విఠల్ రెడ్డి, ముఠా గోపాల్, టీబీజీకేఎస్ నాయకులు, హైదరాబాద్ లోని నివాసంలో ‌ఎమ్మెల్సీ కవితను కలిసి అభినందనలు తెలిపారు. అంతేకాక ప్రముఖ దర్శకుడు ఎన్.శంకర్, ఉద్యోగ సంఘాల నేత కారం రవీందర్ రెడ్డి, దివ్యాంగుల సంఘం ప్రతినిధులు ఎమ్మెల్సీ కవితను కలిసి శుభాకాంక్షలు తెలిపారు.

ఈ కార్యక్రమంలో ఫ్లోరోసిస్ కారణంగా కదల్లేని‌ స్థితిలో ‌ఉన్నప్పటికీ తన చిత్రకళతో మంచిపేరు సంపాదించుకున్న రమావత్ సువర్ణ గీసిన చిత్రాలను, సిద్దిపేటకు చెందిన రాజేశ్వర్ రెడ్డి, ఎమ్మెల్సీ ‌కల్వకుంట్ల‌ కవితకు అందజేశారు.