మహాత్ముడి జీవితం స్పూర్తిదాయకం: హరీశ్‌ రావు

మహాత్ముడి జీవితం నేటి తరానికి స్పూర్తిదాయకమన్నారు మంత్రి హరీశ్ రావు. గాంధీ వర్ధంతి సందర్భంగా నివాళులు అర్పించిన హరీశ్‌…భారత స్వాతంత్య్ర పోరాటాన్ని, గాంధీజీని విడదీసి చూడలేమని అన్నారు. ఎప్పటికైనా సత్యానిదే అంతిమ విజయమని మహాత్ముని జీవితం చాటి చెబుతుందన్నారు. ప్రపంచదేశాలకు ఆయన ప్రవచించిన సిద్ధాంతాలు అనుసరణీయమని చెప్పారు.

సత్యాగ్రహం, అహింస పాటించడానికి ఎంతో ధైర్యం కావాలని, ఆ అసమాన ధైర్యంతో రవి అస్తమించని బ్రిటిష్ సామ్రాజ్యాన్ని గడగడలాడించి అహింస, సత్యాగ్రహానికి ఉన్న శక్తిని‌ నిరూపించి చూపారని వెల్లడించారు. గాంధీజీ సిద్ధాంతాలు నేటి పాలకులు, ప్రజలకు ఎంతో స్ఫూర్తిదాయకమని తెలిపారు. భారతీయులుగా గాంధీజీ సిద్ధాంతాలను ఆచరించినపుడే ఆయన ఆశయాలకు ఒక అర్థం, పరమార్థం చేకూరుతుందన్నారు.