దాశరథి వర్ధంతి.. మంత్రి ఎర్రబెల్లి ఘన నివాళి..

తెలంగాణ సాహితీ సౌరభం దాశరథి కృష్ణమాచార్య వర్ధంతి సందర్భంగా ఈరోజు మంత్రి ఎర్రబెల్లి దయాకర్‌ రావు నివాళులు అర్పించారు. దాశరథి చిత్రపటానికి పుష్పాంజలి ఘటించారు. అనంతరం మంత్రి మాట్లాడుతూ.. నా తెలంగాణ కోటి రతనాల వీణ అని గర్వంగా ప్రకటించి, తెలంగాణ సమాజంలో జాగృతి రగిలించిన మహానీయుడు దాశరథి అని కొనియాడారు. అగ్నిధార పేరుతో తెలంగాణ ప్రజల్లో ఉద్యమ చైతన్యం కలిగించిన మన తెలంగాణ సాహితీ సౌరభం, గొప్ప కవి శ్రీ దాశరథి కృష్ణమాచార్య గారి వర్ధంతి సందర్భంగా వారికి ఘన నివాళులు అని మంత్రి ఎర్రబెల్లి తెలిపారు.