దామోదర్‌ రావుకు మంత్రి ఎర్రబెల్లి శుభాకాంక్షలు..

టీఆర్ఎస్ రాజ్య‌స‌భ అభ్య‌ర్థులుగా గాయ‌త్రి ర‌వి,దామోద‌ర్ రావు,పార్థ‌సార‌థి రెడ్డి ఖ‌రారైన సంగ‌తి తెలిసిందే. ఇందులో బండా ప్ర‌కాష్ రాజీనామాతో ఖాళీ అయిన స్ధానానికి గాయ‌త్రి ర‌వి నామినేష‌న్ దాఖ‌లు చేశారు.

ఇక రాజ్య‌స‌భ అభ్య‌ర్థిగా ఎంపికైన దీవకొండ దామోదర్‌ రావుకు మంత్రి ఎర్రబెల్లి దయాకర్‌ రావు శుభాకాంక్షలు తెలిపారు. మంత్రి కొప్పుల ఈశ్వర్‌,ఎమ్మెల్యే ముత్తిరెడ్డి యాదగిరి రెడ్డితో కలిసి ఆయ‌న నివాసంలో క‌లిసి విషెస్ తెలిపి శాలువాతో సత్కరించారు.

రాజ్యసభ సభ్యులు కెప్టెన్‌ లక్ష్మీకాంతారావు, డీ శ్రీనివాస్‌ పదవీకాలం జూన్‌ 21తో ముగియనుండటంతో ఈ రెండు స్థానాలకు ఎన్నికల నోటిఫికేషన్‌ విడుదలైంది. 24 నుంచి 31 వరకు నామినేషన్లు స్వీకరించనుండ‌గా దామోదర్‌రావు, పార్థసారథిరెడ్డి నామినేష‌న్‌లు దాఖ‌లు చేయ‌నున్నారు.