అలనాటి నటి సావిత్రి జీవిత కథ ఆధారంగా తెరకెక్కుతున్న చిత్రం ‘మహానటి’. ఎవడే సుబ్రహ్మాణ్యం చిత్రంతో దర్శకుడిగా మారిన నాగ్ అశ్విన్ ఈ చిత్రానికి దర్శకత్వం వహిస్తున్నారు. ఈ చిత్రంలో సావిత్రి పాత్రలో కీర్తీ సురేష్ నటిస్తుండగా సమంతా, విజయ్ దేవరకొండ, నాగచైతన్య, రాజేంద్రప్రసాద్ తదితరులు ఈ చిత్రంలో నటిస్తున్నారు.
ఈ చిత్రానికి సంగీతం అందించారు మిక్కి జె మేయర్. ఈ సినిమాకు సంబంధించిన కొన్ని విషయాలను ఆయన పంచుకుంటూ.. సావిత్రి అందరికి నటిగా మాత్రమే తెలుసు, కానీ తెర వెనకాల ఆమె నిజజీవిత విశేషాలు ఈ సినిమా ద్వారా తెలుస్తాయి అని తెలిపారు. నేను ఈ సినిమా పాటల కోసం సంవత్సరానిపైగా కష్టపడ్డాను. ఆమె చిత్రానికి సంగీత దర్శకుడిగా నాకు ఇ అవకాశం రావడమనేది చాలా సంతోషంగా భావిస్తున్నా.
ఆమె నటించిన పాత సినిమాలు చూశాను. ఆమె నటించిన చిత్రాల్లో సంగీతం ఎలా ఉందో గమనించి ఈ సినిమా కోసం ఆ నాటి సంగీతం ఇవ్వటానికి ప్రయత్నం చేశానన్నారు. ఈ సినిమా నా జీవితంలో మైలు రాయిగు నిలవనుందని ఆయన చెప్పారు. అయితే ఈ సినిమాకు ఆడియో లాంచ్ నేడు జరగనున్న విషయం తెలిసిందే. ముఖ్య అతిధిగా రానున్నరు జూ. ఎన్టీఆర్. వైజయంతి మూవీస్, స్వప్నా సినిమాస్‌ పతాకంపై ప్రియాంకాదత్‌ నిర్మించిన ఈ సినిమా మే 9న విడుదల సిద్దమవుతుంది.
