నాని హీరోగా నటించిన కృష్ణగాడి వీరప్రేమ గాథ చిత్రంతో హీరోయిన్ గా తెలుగు చిత్ర సీమకు పరిచయమైన భామ మెహరీన్. ఈ మద్య ఈ ముద్దుగుమ్మ నటించిన మహానుభావుడు, రాజా ది గ్రేట్‌ సినిమాలు మంచి విజయాన్నందుకున్నాయి. ప్రస్తుతం ఈ బ్యూటీ యంగ్‌ హీరో విజయ్‌దేవరకొండ ద్విభాషా చిత్రం నోటాలోనూ నటిస్తోంది. అంతే కాకుండా మెగా హీరో వరుణ్‌తేజ్‌ మల్టిస్టారర్‌ చిత్రం ఎఫ్‌ 2 లోనూ కథానాయికగా నటిస్తోంది. దీన్ని బట్టి చూస్తే తెలుగులో ఈ అమ్మడికి మంచిగానే అవకాశాలు ఉన్నట్లు కనబడుతోంది.
అయితే తాజాగా ఈ భామ తన ట్విట్టర్‌ లో ఓ ఆసక్తికరమైన పోస్ట్‌ చేసింది. కేరళలో కురుస్తోన్న భారీ వర్షాలకు ఆ రాష్ట్రం అతలాకుతలమవుతోన్న సంగతి తెలిసిందే. వరదలతో నిరాశ్రయులైన కేరళ రాష్ట్ర ప్రజలకు విజయవాడకు చెందని ఆమె అభిమాన సంఘం సభ్యులు విరాళాలు సేకరించి డబ్బు, పుడ్‌ ఇవ్వనున్నట్లు ట్విట్టర్‌ ద్వారా తెలిపారు. అయితే ఈ విషయంపై స్పందించిన మెహరీన్ తన ట్విట్టర్‌ ద్వారా తన అభిమానులకు అటువంటివి ఏవి చేయవద్దని సూచించింది.
తాను అభిమానుల సేవా థృక్పథాన్ని గౌరవిస్తానని, తన పేరుతో ఎటువంటి సేవా కార్యక్రమాలు చేయవద్దని, డబ్బులు ఎవరిని అడగొద్దని, సాయం చేయడమనేది వారి పర్సనల్‌ ఛాయిస్‌ అని, తన పేరు మీద ఇతరులను డబ్బులు అడిగి సాయం చేయవద్దని మెహరీన్ తన అభిమానులకు సూచించింది. సమయం వచ్చినప్పుడు తానే అన్నార్థులకు సాయమందిస్తానని చెప్పుకొచ్చింది ఈ బ్యూటీ.
Humble request to all my Fans kindly refrain 4rm askin any1 2 donate money in my name for any cause.I respect ur social gestures but donating money for a cause is purely anybody's personal choice not in my name pls🙏I personally wld help the needy quietly than 2 announce&do it🙏 pic.twitter.com/VnMABcVN9y
— Mehreen Pirzada👑 (@Mehreenpirzada) August 16, 2018
