సైరా మూవీలో అనుష్క‌..

మెగాస్టార్ చిరంజీవి క‌థానాయ‌కుడిగా తెర‌కెక్కుతున్న సినిమా సైరా. సురేంద‌ర్ రెడ్డి ద‌ర్శ‌క‌త్వం వ‌హిస్తున్న ఈచిత్రాన్ని మెగా ప‌వ‌ర్ స్టార్ రామ్ చ‌ర‌ణ్ నిర్మాత‌గా వ్య‌వ‌హ‌రిస్తున్నారు. స్వాతంత్ర స‌మ‌ర‌యోధుడు ఉయ్యాలవాడ న‌ర‌సింహారెడ్డి జీవిత క‌థ ఆధారంగా ఈసినిమాను తెర‌కెక్కిస్తున్నారు. చిరు స‌ర‌స‌న క‌థ‌నాయికగా న‌య‌న‌తార న‌టించ‌గా, ముఖ్య‌మైన పాత్ర‌లో త‌మ‌న్నా న‌టిస్తుంది. త‌మిళ హీరో విజ‌య్ సేతుప‌తి, బాలీవుడ్ మెగా స్టార్ అమితాబ్ ప‌లువురు కీల‌క పాత్ర‌ల్లో న‌టిస్తున్నారు.

ఈమూవీలో అనుష్క న‌టించ‌నుంద‌నే వార్త సోష‌ల్ మీడియాలో వైర‌ల్ గా మారింది. సైరాలో ఓ ప్ర‌త్యేక‌మైన పాత్ర ఉంద‌ట‌. ఆ పాత్ర‌లో అనుష్క అయితే బాగుంటుంద‌నే అభిప్రాయాన్ని వ్య‌క్తం చేశాడ‌ట ద‌ర్శ‌కుడు సురేంద‌ర్ రెడ్డి. అందుకోసం చ‌ర‌ణ్ స్వ‌యంగా అనుష్క‌తో మాట్లాడి ఒప్పించిన‌ట్టు స‌మాచారం. అయితే ఈమూవీలో లావుగా ఉన్న పాత్ర‌కోసం  అనుష్క ను సంప్ర‌దించార‌ట‌.

గ‌తంలో సైజ్ జీరో సినిమాలో అనుష్క లావుగా క‌నిపించిన విష‌యం తెలిసిందే. అయితే మ‌ళ్లీ అనుష్క సైజ్ త‌గ్గ‌డానికి చాలా కాలం ప‌ట్టింది. మ‌రోసారి లావు పాత్ర‌లో క‌నిపించ‌డానికి అనుష్క ఒప్పుకుంటుందో లేదో చూడాలి. సోష‌ల్ మీడియాలో వైర‌ల్ అవుతున్న ఈవార్త‌లో వాస్త‌వం ఎంత ఉందో చూడాలి.