టాలీవుడ్‌ కింగ్ నాగార్జున 5 పదుల వయసులో కూడా అమ్మయిల మనస్సు దోచుకుంటూ అభినవ మన్మథుడిగా ఆరధించబడతున్నాడు. నాగ్‌ వరుస సినిమాలతో దూసుకుపోతున్నాడు. గత కొద్దికాలంగా స్క్రిప్టు సహా చాలా విషయాల్లో క్లారిటీ కోసం వేచి చూసిన నాగార్జున ఇకపై సెట్స్ కెళ్లేందుకు రెడీ అవుతున్నారు. ప్రస్తుతం నాగ్‌ ‘మన్మథుడు 2’, ‘బంగార్రాజు’ సినిమాలతో లైన్‌లో ఉన్నాడు. మరి ముందుగా ఏ సినిమా చేయబోతున్నాడు.. అంటూ కొంతకాలంగా సినీ వర్గాల్లో చర్చ సాగుతోంది. అయితే ఈ విషయంలో నాగ్‌ ఫుల్‌ క్లారిటీకి వచ్చేశారని సమాచారం.
అయితే ఈ నెల 25వ తేదీన ‘మన్మథుడు 2’ సినిమాను లాంచ్ చేసి, అదే రోజు నుంచి రెగ్యులర్ షూటింగు జరపనున్నారట. తొలి షెడ్యూల్ 10 నుంచి 15 రోజుల పాటు జరగనున్నట్టుగా చెబుతున్నారు. 2020 సంక్రాంతికి ఈ సినిమాను విడుదల చేయాలనే ఆలోచనలో వున్నారు. ఇక నాగార్జున కెరియర్లో చెప్పుకోదగిన చిత్రాల జాబితాలో ‘మన్మథుడు’ ముందు వరుసలో కనిపిస్తుంది. నాగార్జున క్రేజ్‌ను అంతకంతకు పెంచిన ఈ సినిమాకి సీక్వెల్‌గా ‘మన్మథుడు 2’ను తీస్తున్నారు. రాహుల్ రవీంద్రన్ ఈ సినిమాకి దర్శకత్వం వహించనున్నాడు.
