రైతుల ఆందోళనలో పాల్గొన్న భారత క్రికెటర్‌..

కేంద్రం తీసుకొచ్చిన రైతు చట్టాలకు వ్యతిరేకంగా రైతులు 14 రోజులుగా ఆందోళన చేస్తున్న సంగతి తెలిసిందే. రైతుల ఆందోళనలకు పలువురు సెలబ్రెటీలు, మాజీ ఆటగాళ్లు మద్దతివ్వగా తాజాగా పంజాబ్ ఆటగాడు మన్‌దీప్ సింగ్‌ రైతులకు అండగా నిలిచాడు.

ఐపీఎల్‌లో కింగ్స్‌కు ప్రాతినిధ్యం వహిస్తున్న మన్‌దీప్‌…రైతులతో కలిసి నేరుగా ఆందోళనలో పాల్గొన్నాడు. వ‌ణికించే చ‌లిలో శాంతియుతంగా నిర‌స‌న తెలుపుతున్న రైతుల‌కు త‌న మ‌ద్ద‌తు తెల‌పాల‌న్న ఉద్దేశంతోనే తాను వెళ్లిన‌ట్లు మ‌ణ్‌దీప్ చెప్పాడు. త‌న తండ్రి ఉండి ఉంటే.. ఆయ‌న కూడా రైతుల ఆందోళ‌న‌ల‌కు మ‌ద్దతు ఇచ్చే వాడని తెలిపాడు.