విష్ణు మంచుతో రుహీ సింగ్ రొమాన్స్‌!

297
mosagallu

ప్రేక్ష‌కుల్లో అమితాస‌క్తి రేకెత్తిస్తోన్న ‘మోస‌గాళ్లు’ చిత్రంలో హీరో విష్ణు మంచు స‌ర‌స‌న నాయిక‌గా రుహీ సింగ్ న‌టిస్తున్నారు. ఆమెకు సంబంధించిన ఫ‌స్ట్ లుక్ పోస్ట‌ర్‌ను చిత్ర బృందం గురువారం విడుద‌ల చేసింది. ఆ పోస్ట‌ర్‌లో రాత్రివేళ రోడ్డుపై ఒంట‌రిగా న‌డుచుకుంటూ వెళ్తున్నారు రుహీ సింగ్‌. డిజైన‌ర్ దుస్తుల్లో ఆమె గార్జియ‌స్‌గా క‌నిపిస్తున్నారు.

ఇప్ప‌టివ‌ర‌కూ విష్ణు మంచు, కాజ‌ల్ అగ‌ర్వాల్‌, సునీల్‌శెట్టి, రుహీ సింగ్‌ల ఫ‌స్ట్ లుక్ పోస్ట‌ర్ల‌ను చిత్ర బృందం విడుద‌ల చేసింది. వాటితో పాటు ఇటీవ‌ల విడుద‌లైన టీజ‌ర్‌కు సినీ ప్రియుల నుంచి అద్వితీయ‌మైన స్పంద‌న ల‌భించింది. టీజ‌ర్‌లో శ్యామ్ సి.ఎస్‌. బ్యాగ్రౌండ్ స్కోర్‌కు స‌ర్వ‌త్రా ప్ర‌శంస‌లు ల‌భించాయి.

‘మోస‌గాళ్లు’ చిత్రం తెలుగు, త‌మిళ‌, మ‌ల‌యాళం, క‌న్న‌డ‌, హిందీ భాష‌ల్లో పాన్ ఇండియా మూవీగా విడుద‌ల‌వుతోంది. విష్ణు హీరోగా న‌టిస్తూ, నిర్మిస్తోన్న ఈ చిత్రంలో ఆయ‌న సోద‌రిగా కాజ‌ల్ అగ‌ర్వాల్ న‌టిస్తుండ‌టం విశేషం. జెఫ్రీ గీ చిన్ డైరెక్ట్ చేస్తున్న ఈ చిత్రంతో బాలీవుడ్ సీనియ‌ర్ స్టార్ సునీల్‌శెట్టి టాలీవుడ్‌లో అడుగు పెడుతున్నారు.

తారాగ‌ణం:
విష్ణు మంచు, కాజ‌ల్ అగ‌ర్వాల్‌, సునీల్‌శెట్టి, రుహీ సింగ్‌, న‌వీన్ చంద్ర‌, న‌వ‌దీప్‌

సాంకేతిక బృందం:
నిర్మాత‌: విష్ణు మంచు
ఎగ్జిక్యూటివ్ ప్రొడ్యూస‌ర్‌: విజ‌య్‌కుమార్ ఆర్‌.
డైరెక్ట‌ర్‌: జెఫ్రీ గీ చిన్‌
మ్యూజిక్‌: శ్యామ్ సి.ఎస్‌.
సినిమాటోగ్ర‌ఫీ: షెల్డ‌న్ చౌ
ప్రొడ‌క్ష‌న్ డిజైన్‌: కిర‌ణ్‌కుమార్ ఎం.