కేజీఎఫ్ ఫేం ప్రశాంత్ నీల్ దర్శకత్వంలో ప్రభాస్ హీరోగా నటిస్తున్న చిత్రం సలార్. 2023లో సినిమా ప్రేక్షకుల ముందుకురానుండగా పాన్ ఇండియా లెవల్లో సినిమా తెరకెక్కుతోంది. ఈ మూవీలో రాజమన్నార్‌గా జగపతిబాబు కనిపించనుండగా ప్రభాస్ సరసన శృతిహాసన్ హీరోయిన్‌గా నటిస్తోంది.
తాజాగా సినిమాకు సంబంధించి ఆసక్తికరవార్త బయటకు వచ్చింది. ప్రముఖ దర్శకుడు, నిర్మాత, నటుడు పృథ్వీరాజ్ సుకుమారన్ …’సలార్’లో ఓ ముఖ్యమైన పాత్ర చేస్తున్నారని మేకర్స్ ప్రకటించారు.
సినిమా స్క్రిప్ట్‌తో పాటు తన పాత్ర కూడా పృథ్వీరాజ్‌కు ఎంతో బాగా నచ్చడంతో ఆ పాత్ర చేయడానికి వెంటనే ఒప్పుకున్నారన్నారని తెలిపారు.పృథ్వీరాజ్‌తో స్క్రీన్ షేర్ చేసుకోవడం తనకు ఎంతో ఆనందంగా ఉందన్నాడు. ఇక ఆ పాత్ర చేస్తున్నందుకు గానూ పృథ్వీరాజ్‌కు ప్రభాస్ కృతజ్ణతలు తెలిపాడు.
ప్రస్తుతం ప్రభాస్ నటించిన పాన్ ఇండియా చిత్రం ‘రాధే శ్యామ్‌’ మార్చి 11న ప్రపంచ వ్యాప్తంగా విడుదల కానుంది.
