నాగచైతన్య .. సమంత జంటగా శివ నిర్వాణ దర్శకత్వంలో ‘మజిలీ’ సినిమా ఈ నెల 5వ తేదీన థియేటర్స్ కి వచ్చింది. మొదటి రోజే క్రిటిక్స్ అంతా యునానిమస్ గా మజిలీ బావుంది అని పొగిడేశారు. థియేటర్లలో జనం నుంచి మంచి స్పందన వచ్చింది. దీంతో మజిలీ సూపర్ హిట్ అని అక్కినేని చైతన్య సమంత జోడీ సంబరాల్లో మునిగిపోయారు. ప్రపంచవ్యాప్తంగా తొలిరోజున ఈ సినిమా 11.50 కోట్ల వసూళ్లను రాబట్టింది. నాగచైతన్య కెరియర్లోనే తొలిరోజున ఈ స్థాయి వసూళ్లను రాబట్టిన సినిమా కావడం విశేషం.
ఇక ఈ సినిమా రెండవ రోజున 10 కోట్లకి పైగా వసూళ్లు చేసింది. అలా రెండు రోజుల్లో ఈ సినిమా 21.5 కోట్ల వసూళ్లను రాబట్టింది. యూత్ ను .. ఫ్యామిలీ ఆడియన్స్ ను ఆకట్టుకునే కంటెంట్ తో రావడం .. ముఖ్యంగా పెళ్లి తరువాత చైతూ .. సమంత కలిసి చేసిన తొలి సినిమా కావడం వలన, ఈ సినిమా ఈ స్థాయి వసూళ్లను సాధించిందనే అభిప్రాయాలు వ్యక్తమవుతున్నాయి.
