సూపర్ స్టార్ మహేష్ బాబు హీరోగా అనిల్ రావిపూడి దర్శకత్వంలో తెరకెక్కుతున్న చిత్రం సరిలేరు నీకెవ్వరు. శరవేగంగా షూటింగ్ జరుపుకుంటున్న ఈ చిత్రం జనవరి 12న ప్రేక్షకుల ముందుకురానుంది. తాజాగా ఈ మూవీకి సంబంధించి మరో అప్‌డేట్ వచ్చేసింది.
ఈ మూవీ నెక్ట్స్ షెడ్యూల్ పొల్లాచ్చిలో జరగనుంది. నవంబర్ తొలివారంలో ఈ షెడ్యూల్ ప్రారంభం కానుండగా రష్మికా,మహేష్ బాబు మధ్య రొమాంటిక్ సన్నివేశాలను చిత్రీకరించనున్నట్లు సమాచారం.
ఈ సినిమాలో విజయశాంతి, ప్రకాష్ రాజ్‌ కీ రోల్ పోషిస్తుండగా బండ్ల గణేష్,వెన్నెల కిషోర్ తమ కామెడీతో అలరించనున్నారు. మేజర్ అజయ్‌ కృష్ణగా మహేష్ బాబు కనిపించనున్నారు. దేవి శ్రీ ప్రసాద్ సంగీతం అందిస్తున్న ఈ చిత్రాన్ని మహేష్‌తో పాటు అనిల్ సుంకర,దిల్ రాజు నిర్మిస్తున్నారు. నవంబర్‌లో సినిమా షూటింగ్‌ను పూర్తిచేసి ప్రమోషన్‌ కార్యక్రమాలను నిర్వహించాలని చిత్రయూనిట్ భావిస్తోంది.
