మహేష్‌బాబు సినిమా కోసం అభిమానులు తెగ ఎదురుచూస్తున్నారు. ‘బ్రహ్మోత్సవం’ సినిమా తర్వాత మహేష్ స్పీడ్‌ తగ్గిందని టాలీవుడ్‌ వర్గాల్లో గుసగుసలు వినిపిస్తూనే ఉన్నాయి. కాస్త లేటయినా.. మురుగదాస్‌ తో ఓ సినిమాకి కమిటయ్యాడు మహేష్ . ఈ చిత్రానికి సంబంధించిన ఫస్ట్‌లుక్‌ ఏప్రిల్‌లో విడుదల చేసినప్పటికీ.. టీజర్ను విడుదల చేయడంలో స్పైడర్ టీం ఆలస్యం చేసింది. మరోవైపు క్లైమాక్స్‌ రీషూట్ కోసం సినిమా విడుదల కూడా ఆలస్యం అవుతూనే ఉంది. తాజాగా తన అభిమానులకు పండుగ చేసుకునే న్యూస్ చెప్పాడు మహేష్..
. స్పైడర్ చిత్రాన్ని దసరా కానుకగా విడుదల చేస్తామని తన ట్విట్టర్ ద్వారా తెలిపిన ప్రిన్స్ , టీజర్ ని మే 31 సాయంత్రం 5 గంటలకు రిలీజ్ చేస్తామని తెలిపాడు. దీంతో అభిమానులలో కొత్త ఉత్సాహం నెలకొంది. మే 31న కృష్ణ బర్త్ డే సందర్భంగా వస్తుందని అందరు భావించగా, కొందరు గాసిప్ రాయుళ్ళు ఆ రోజు టీజర్ రాదంటూ నెగెటివ్ ప్రచారం చేశారు. ఈ వార్తలకి అడ్డు కట్ట వేసేందుకు స్వయంగా మహేష్ రంగంలోకి దిగి చిత్ర రిలీజ్ డేట్ మరియు టీజర్ టైం ఫిక్స్ చేశాడు. భారీ బడ్జెట్ తో తెరకెక్కుతున్న స్పైడర్ లో మహేష్ ఇంటిలిజెన్స్ ఆఫీసర్ గా కనిపించనుండగా, రకుల్ మెడికల్ స్టూడెంట్ పాత్ర పోషిస్తుంది. ఎస్ జె సూర్య విలన్ గా నటిస్తున్న సంగతి తెలిసిందే.
#SpyDer will come to you this Dussehra ! Let's get the party started with the first glimpse on May 31st at 5 PM 🙂
— Mahesh Babu (@urstrulyMahesh) May 28, 2017
