మెగా పవర్‌ స్టార్ రామ్‌ చరణ్‌, సమంత జంటగా సుకుమార్ దర్శకత్వంలో తెరకెక్కిన చిత్రం ‘రంగస్థలం’ . విడుదలై రెండు వారాలు కావొస్తున్నా ఇప్పటికి సినిమాపై ప్రశంసల వర్షం కురుస్తూనే ఉంది. ఇప్పటికే వందకోట్లకు పైగా వసూళ్లు రాబట్టిన రంగస్థలం..కలెక్షన్ల జోరు మాత్రం తగ్గడం లేదు.
తాజాగా రంగస్థలం సినిమాపై సూపర్ స్టార్ మహేష్ బాబు ప్రశంసల వర్షం కురిపించాడు. సినిమా అద్భుతంగా ఉందంటూ చిత్ర యూనిట్‌‌ను పొగడ్తలతో ముంచెత్తాడు. సుకుమార్ నిజంగా నువ్వు మాస్ట‌ర్ ఆఫ్ ది ఆర్ట్‌. రామ్‌చరణ్, సమంతా.. ఈ సినిమా తప్పకుండా మీ కేరీర్‌లోనే అత్యుత్తమంగా ఉంటుంది. చిత్ర యూనిట్‌కు అభినందనలు అని ట్వీట్ చేశారు. దేవి శ్రీ రాకింగ్ మ్యూజిక్ అదిరింది. ర‌త్న‌వేలు ప‌నిత‌నం కూడా అద్భుతం. సినిమాను బాగా ఎంజాయ్ చేశా అని మహేష్ ట్వీట్ చేశాడు.
ఇక ప్రస్తుం మహేష్-కొరటాల శివ కాంబినేషన్‌లో తెరకెక్కుతున్న భరత్ అను నేను చిత్రం ఈ నెల 20న ప్రేక్షకుల ముందుకురానుంది. ఇక ఇప్పటికే సినిమా ప్రమోషన్‌లో బిజీగా ఉన్న చిత్రయూనిట్ ఇవాళ సాయంత్రం ఎల్‌బీ స్టేడియంలో ప్రీ రిలీజ్ వేడుకను నిర్వహించనుంది. ఈ కార్యక్రమానికి యంగ్ టైగర్ ఎన్టీఆర్ ముఖ్య అతిథిగా హాజరుకానున్నారు.
