కొరటాల శివ దర్శకత్వంలో మహేష్ బాబు హీరోగా తెరకెక్కుతున్న చిత్రం ‘భరత్ అను నేను’ . ఇప్పటికే శరవేగంగా షూటింగ్ జరుగుతున్న ఈ చిత్రాన్ని త్వరలోనే విడుదల చేసేందుకు కసరత్తు చేస్తున్నారు.అన్నపూర్ణ స్టూడియోలో వేసిన భారీ సెట్ లో ఈ మూవీకి సంబంధించిన ముఖ్యమైన సన్నివేశాలు చిత్రీకరిస్తున్నారు. ప్రస్తుతం ప్రత్యేకంగా వేసిన ముఖ్యమంత్రి చాంబర్ సెట్లో షూటింగ్ జరుగుతోంది. మహేశ్ బాబు .. ప్రకాశ్ రాజ్ .. కైరా అద్వాని తదితరులపై ముఖ్యమైన సన్నివేశాలను తెరకెక్కిస్తున్నారు.
నవంబర్ 8వ తేదీ వరకూ ఈ షెడ్యూల్ నాన్ స్టాప్ గా కొనసాగనుంది. తెలుగులో తొలి సినిమాతోనే మహేశ్ జోడీగా అవకాశం రావడం పట్ల కైరా అద్వాని ఆనందాన్ని వ్యక్తం చేస్తోంది. ఇటీవలె లీకైన సినిమా స్టిల్‌లో మహేష్ ఇన్ షర్ట్ వేసుకొని చాలా హ్యండ్సమ్ గా కనిపించాడు. మహేష్ తన గన్ మెన్ లతో కలిసి నడిచి వస్తుండగా, వెనుక బ్రహ్మజీ ఉన్నారు. యంగ్ హీరో సీఎం అయితే ఎలా ఉంటాడో చూపించాడు ప్రిన్స్.
అయితే, సినిమాకు సంబంధించిన స్టిల్స్‌ లీకవడం పట్ల దర్శకుడు కొరటాల అసంతృప్తి వ్యక్తం చేశాడు. సినిమాకు సంబంధించి చిన్న వార్తకూడా బయటికి రాకుండా జాగ్రత్తలు తీసుకుంటున్నాడు. డివివి ఎంటర్టైన్మెంట్ బ్యానర్‌లో సినిమా తెరకెక్కుతుండగా దేవి శ్రీ ప్రసాద్ సంగీతం అందిస్తున్నాడు.
