టాలీవుడ్‌లో సూపర్‌స్టార్‌ మహేశ్‌బాబు తన భార్య నమ్రత శిరోద్కర్‌ కి పుట్టిన రోజు శుభాకాంక్షలు తెలిపారు. ‘వంశీ’ సినిమాలో వీరిద్దరి ఆన్‌స్క్రీన్‌ జోడీ ప్రేక్షకులకు బాగా నచ్చింది. నిజజీవితంలో కూడా మేడ్‌ ఫర్‌ ఈచ్‌ అదర్‌ అనిపించారు. కాగా.. మహేశ్ ద్వారా నమ్రతాకు ట్విట్టర్ లో బర్త్ డే విషెస్‌ తెలిపారు.‘నువ్వు నాకెంత ప్రత్యేకమో చెప్పడానికి మరో కారణం కూడా వుంది. హ్యాపీ బర్త్‌డే టు మై లవ్‌, మై బెస్ట్‌ ఫ్రెండ్‌, మై వైఫ్‌’ అంటూ మహేశ్ ట్వీట్‌లో పేర్కొన్నారు.
నమ్రత కూడా ఎప్పటికప్పుడు తన భర్త, పిల్లలు గౌతమ్‌, సితారలకు సంబంధించిన ఫొటోలు పోస్ట్‌ చేస్తూ సోషల్‌మీడియాలో యాక్టివ్‌గా ఉంటారు. 1993లో ఫెమీనా మిస్‌ ఇండియా టైటిల్‌ గెలుచుకున్న నమ్రత 2000లో ‘వంశీ’ చిత్రంతో తెలుగు ప్రేక్షకులకు పరిచయమయ్యారు. ఆ తరువాత ‘అంజి’తో పాటు పలు బాలీవుడ్‌ చిత్రాల్లోనూ నటించారు. ‘వంశీ’ సినిమా సమయంలో మహేశ్, నమ్రత ప్రేమించుకున్నారు. 2005లో ఇద్దరూ వివాహ బంధంతో ఒకటయ్యారు. వివాహం అనంతరం నమ్రత సినిమాలకు స్వస్తి పలికారు. ప్రస్తుతం మహేశ్ ‘భరత్‌ అనే నేను’ సినిమాలో నటిస్తున్నారు. కొరటాల శివ ఈ సినిమాకు దర్శకత్వం వహిస్తున్నారు. కైరా అడ్వాణీ కథానాయిక. మరోపక్క వంశీ పైడిపల్లి సినిమాలోనూ మహేశ్ నటిస్తున్నారు.
One more reason to tell you how special you are! 😊 Happy Birthday to my love, my best friend, my wife ❤ pic.twitter.com/3eDQXoKDuF
— Mahesh Babu (@urstrulyMahesh) January 22, 2018
