ప్రధానమంత్రి నరేంద్రమోడీ ఇచ్చిన జనతా కర్ఫ్యూకు విశేష స్పందన లభిస్తోంది. ప్రధాని సూచనలను ప్రతి ఒక్కరు పాటించాలని సినీ,క్రీడా రంగాలకు చెందిన పలువురు విజ్ఞప్తి చేస్తున్నారు. ప్రధాని పిలుపును ప్రజల్లోకి తీసుకెళ్లేందుకు కృషి చేస్తున్నారు.
తాజాగా మహేష్ బాబు సైతం ఈ జాబితాలో చేరిపోయాడు. జనతా కర్ఫ్యూ నేపథ్యంలో రేపు ఉదయం ఏడు గంటల నుంచి రాత్రి 9 గంటల వరకు ప్రజలు ఎవరూ ఇళ్ల నుంచి బయటకు రావొద్దని అభిమానులకు విజ్ఞప్తి చేశాడు .
ఆదివారం సాయంత్రం 5 గంటలకు బాల్కనీల్లో నిల్చుని మనం కొట్టే చప్పట్లు ప్రతిధ్వనించాలని ట్విట్టర్‌లో పేర్కొన్నాడు మహేష్. అదే మనం వారికిచ్చే గౌరవం, చప్పట్ల శబ్ధంలో అవి కనిపించాలి… ప్రధాని పిలుపును అందరూ పాటించాలని, కరోనాను తరమికొట్టేందుకు ప్రతి ఒక్కరు జనతా కర్ఫ్యూలో భాగస్వాములు కావాలని పిలుపునిచ్చాడు.
ఇప్పటికే పవర్ స్టార్ పవన్ కల్యాణ్ ఓ వీడియో ద్వారా ప్రధాని మాట పాటిద్దాం – కరోనా విముక్త భారతాన్ని సాధిద్దాం అని తెలిపారు.
Urging all citizens to support the clarion call of our honourable PM @narendramodi and take part in the #JanataCurfew this Sunday to fight the #Coronavirus.
— Mahesh Babu (@urstrulyMahesh) March 20, 2020
