బాహుబలి సినిమాతో ప్రపంచ స్థాయిలో దర్శకుడిగా గుర్తింపు పొందటమే కాకుండా తెలుగు సినిమా సత్తాను చాటారు రాజమౌళి. కొద్దిరోజులు విశ్రాంతి తీసుకున్న రాజమౌళి తన నెక్స్ట్ ప్రాజెక్ట్‌ పై దృష్టి పెట్టాడు. అయితే హీరోపై క్లారిటీ ఇవ్వలేదు. అయితే తన సినిమాలకు సంబంధించిన విషయాలను సీక్రెట్‌గా ఉంచే జక్కన్న.. సూపర్ స్టార్ మహేశ్ బాబుతో ఓ సినిమా చేస్తానని.. అది కె.ఎల్. నారాయణ నిర్మాణంలో ఉంటుందని రానా ‘నెంబర్ వన్ యారి’ షోలో కన్ఫమ్ చేశాడు రాజమౌళి. అయితే.. ఆ ప్రాజెక్ట్‌కు ఇంకా టైమ్ పట్టొచ్చంటూ ఓ చిన్న మెలిక పెట్టాడు. రాజమౌళి, మహేష్ కాంబినేషన్లో సినిమా చేయాలనీ ఎప్పటినుంచో అనుకుంటున్నాం కానీ కుదరట్లేదు అని రాజమౌళి చాలాసార్లు స్టేజి పైనే చెప్పిన సందర్భాలు వున్నాయి.
అయితే కె.ఎల్. నారాయణ నిర్మాణంలో మహేశ్ బాబుతో రూపొందించే చిత్రం కంటే ముందుగా.. డి.వి.వి. దానయ్య నిర్మాణంలో సినిమా చేస్తాడట రాజమౌళి. నిర్మాత దానయ్య చిత్రం కోసం ప్రస్తుతం కథను సిద్ధం చేస్తున్నాడట. ఇక ఆ కథకు ఏ హీరో సరిపోతాడో.. అతనినే ఆ ప్రాజెక్ట్‌లో తీసుకోవాలనుకుంటున్నాడట రాజమౌళి. అయితే.. రాజమౌళి నెక్స్ట్ ప్రాజెక్ట్‌కు గట్టిగా వినిపిస్తున్న పేరు మాత్రం ఎన్టీఆర్. అలాగే.. మెగా ఫ్యామిలీ హీరో అల్లు అర్జున్ పేరు కూడా దానయ్య సినిమా కోసం బాగా ప్రచారంలో ఉంది.
