మహారాష్ట్ర ముఖ్యమంత్రి భార్య అయిన అమృత ఫడ్నవీస్… పాడటం అంటే పిచ్చి. అందుకోసం డబ్బు కూడా తీసుకోరు. ప్రియాంకా చోప్రా కథానాయికగా ప్రకాశ్‌ ఝా తెరకెక్కిస్తున్న ‘జై గంగాజల్‌’ సినిమాలో అమృత ఓ భక్తి పాట పాడారు. ఈ పాటకు గానీ, ఇతర పాటలకు గానీ ఎలాంటి పారితోషకమూ తీసుకోలేదు. యాక్సిస్‌ బ్యాంక్‌లో డిప్యూటీ వైస్‌ ప్రెసిడెంట్‌గా వ్యవహరిస్తున్న అమృత ఫడణవిస్‌ గాయనిగా, మోడల్‌గా, సామాజిక వేత్తగా బహుపాత్రాభినయం చేస్తున్నారు.
ఇప్పుడు ఏకంగా తెరపై గ్లామరస్‌గా మెరవడానికి సిద్ధమైపోతోంది అమృత. అదికూడా ఏకంగా అమితాబ్ బచ్చన్ తో కలిసి డ్యాన్సులు వేసే రేంజ్ అన్నమాట. ‘ఫిర్ సే’ అంటూ సాగే ఓ మ్యూజిక్ వీడియో కోసం షూటింగ్ చేయగా.. ఇందులో మిసెస్ ఫడ్నవీస్ గ్లామర్ రూపం చూపించడం విశేషం. మోకాళ్ల పైకి వేసిన రెడ్ కలర్ ఫ్రాక్.. హైహీల్స్ తో మెరిసిపోతోంది అమృత.అమృత ఫడణవిస్‌ పేరు చెప్పకుండా ఓ వీఐపీ సెలెబ్రిటీతో మ్యూజిక్ వీడియోలో నటించినట్లు అమితాబ్ ట్విట్టర్‌ ద్వారా వెల్లడించారు. అయితే దేనికోసం ఈ మ్యూజిక్ వీడియోని రూపొందించారో మాత్రం చెప్పలేదు బిగ్‌బి.
ఆర్ట్స్ ఇనిస్టిట్యూట్ లో జాయిన్ అయేందుకు అమృత రాగా.. ఆ ఇనిస్టిట్యూట్ హెడ్ గా అమితాబ్ కనిపించనున్నారు. ఇద్దరి మధ్య సంభాషణలో భాగంగా ఈ పాట వస్తుంది అని చెబుతున్నాడు దర్శకుడు అహ్మద్ ఖాన్. సీఎం భార్య ఇలాంటి గ్లామర్ రూపంలో బాలీవుడ్ గ్లామర్ ఫీల్డ్ లో అడుగుపెడుతుండడం ఆశ్చర్యకరమే.
