‘మారి 2’ నుండి ఫస్ట్‌ సాంగ్‌.. వీడియో

తమిళ హీరో ధనుష్‌ గతంలో చేసిన ‘మారి’ చిత్రం ప్రేక్షకులను బాగా ఆకట్టుకుంది. బాలాజీ మోహన్ దర్శకత్వంలో తెరకెక్కిన ఈ మూవీ సీక్వెల్‌కి ప్లాన్ చేశారు. ‘మారి 2’ టైటిల్‌తో ఈ మధ్యనే సెట్స్ పైకి వెళ్లిన ఈ సినిమా వేరవేగంగా వేగంగా షూటింగు జరుపుకుంది. ధనుశ్ నిర్మాతగా వ్యవహరిస్తున్న ఈ చిత్రంలో సాయిపల్లవి కథానాయికగా నటిస్తుంది. వరలక్ష్మీ శరత్ కుమార్ ఈ సినిమాలో ఒక కీలకమైన పాత్రను పోషించింది.

తాజాగా ఈ సినిమా నుంచి మొదటి సాంగ్‌ను విడుదల చేసింది చిత్ర బృందం. ‘రౌడీ బేబీ ..’ అంటూ ఈ సాంగ్ తమాషాగా సాగుతున్న ఈ పాట ప్రేక్షకులను ఎంతగానో అలరిస్తోంది. ఈ పాటకి ప్రభుదేవా కొరియోగ్రఫీని అందించగా యువన్ శంకర్ రాజా సంగీతాన్ని సమకూర్చారు. విశేషం ఏంటంటే.. ఈ పాటను లేడీ సింగర్‌తో కలిసి ధనుశ్ పాడారు. ఈ పాటను ఆయనే రాయడం మరో విశేషం. డిసెంబర్ 21న ఈ సినిమా విడుదల కానుంది.