చెన్నైని చిత్తుచేసిన లక్నో..

ఐపీఎల్ 15వ సీజన్‌లో భాగంగా చెన్నైని చిత్తుచేసింది లక్నో. సీఎస్‌కేతో జరిగిన మ్యాచ్‌లో లక్నో సూపర్‌ జెయింట్స్‌ 6 వికెట్ల తేడాతో సంచలన విజయం సాధించింది. 211 పరుగుల భారీ లక్ష్యం…లక్నో ఆటగాళ్ల ముందు చిన్నబోయింది. 19.3 ఓవర్లలో 4 వికెట్లు కోల్పోయి 211 పరుగులు చేసి లక్ష్యాన్ని చేధించింది. ఎవిన్‌ లూయిస్‌ 23 బంతుల్లో 6 ఫోర్లు, 3 సిక్సర్లతో 55 పరుగులు సాధించగా డికాక్‌ 61 పరుగులు, కేఎల్‌ రాహుల్‌ 40 పరుగులు చేసి జట్టు విజయంలో కీలకపాత్ర పోషించారు.

ఇక అంతకముందు టాస్‌ ఓడి బ్యాటింగ్‌కు దిగిన చెన్నై 20 ఓవర్లలో 7 వికెట్లకు 210 పరుగులు చేసింది. రాబిన్‌ ఊతప్ప (50), దూబే (49), మొయిన్‌ అలీ (35) రాణించడంతో చెన్నై భారీ స్కోరు చేయగలిగింది. ఇక వరుసగా రెండో ఓటమితో చెన్నై ఇంకా బోణి కొట్టలేదు.