రెండు దఫాలుగా పార్లమెంట్ బడ్జెట్ సమావేశాలు..

పార్లమెంట్ బడ్జెట్ సమావేశాలు నేటి నుంచి ప్రారంభం కానున్నాయి. ప్రారంభం అయ్యాయి. ఆనవాయితీ ప్రకారం ఉభయసభలను ఉద్దేశించి భారత రాష్ట్రపతి రామ్‌నాథ్‌ కోవింద్‌ ప్రసంగం అనంతరం సమావేశాలు జరగనున్నాయి.

రెండు విడతలుగా సమావేశాలు జరగనున్నాయి. నేటి (జనవరి 31) నుంచి ఏప్రిల్ 3 వరకు బడ్జెట్ సెషన్ జరగనుంది. తొలి దశను జనవరి 31 నుంచి ఫిబ్రవరి 11 వరకు, రెండో దశను మార్చి 2 నుంచి ఏప్రిల్‌ 3 వరకు నిర్వహించనున్నారు.

తొలిదశలో 12 రోజులపాటు సాగే ఈ సమావేశాలు ఫిబ్రవరి 11 వరకు కొనసాగుతాయి. ఫిబ్రవరి 1న కేంద్ర ఆర్థికమంత్రి నిర్మలా సీతారామన్ రైల్వే పద్దును కూడా కలిపి దేశ వార్షిక బడ్జెట్‌ను ప్రవేశపెట్టనున్నారు.

ఇక ఈ సారి బడ్జెట్ సమావేశాలు వాడీవేడగా జరగనున్నట్లు తెలుస్తోంది. ముఖ్యంగా కేంద్రం తీసుకొచ్చిన సీఏఏ అంశంపై చ‌ర్చ సాగుతుంద‌ని జాతీయ మీడియా అంచ‌నా వేస్తోంది.