పవర్ స్టార్ పవన్ కల్యాణ్, సుప్రీమ్ హీరో సాయిధరమ్‌ తేజ్‌ నటిస్తున్న బ్రో సినిమాకు సముద్రఖని దర్శకత్వం వహిస్తున్నారు. ఈ సినిమా ప్రస్తుతం షూటింగ్‌ చివరి దశలోఉంది. ఫాంటసీ కామెడీ డ్రామా నేపథ్యంలో తెరకెక్కుతున్న ఈ సినిమా జూలై 28న ప్రేక్షకుల ముందుకు రానుంది. తాజాగా మేకర్స్ ఈ సినిమా టీజర్ అప్‌డేట్‌ను ప్రకటించారు. త్వరలోనే ఈ సినిమా టీజర్ విడుదల కాబోతుందంటూ మేకర్స్ తెలిపారు. ఈ టీజర్ కోసం పవన్ ఫ్యాన్స్ ఎంతో ఆసక్తిగా ఎదురుచూస్తున్నారు.
ఇక పవర్ స్టార్ పవన్ కళ్యాణ్ నటిస్తున్న వరుస చిత్రాల్లో ‘OG’ ఒకటి. సుజిత్ దర్శకత్వంలో తెరకెక్కుతున్న ఈ మూవీ నుంచి ఇంట్రెస్టింగ్ గాసిప్ వినపడుతోంది. నటుడు ఆలీ తన మూవీస్‌లో ఉంటే మంచి కంఫర్టబుల్‌గా అనిపిస్తుంది అని గతంలో పవర్ స్టార్ చాలా సందర్భాల్లో అన్నారు. అయితే.. తాజాగా ‘ఓజీ’లో కూడా అలీ నటించనున్నట్లు తెలుస్తోంది. కానీ.. ఇంకా అధికారిక ప్రకటన రాలేదు. అలీ ప్రస్తుతం జగన్ పార్టీకి సపోర్టుగా ఉన్నారు. మరి ఈ నేపథ్యంలో పవన్ అలీకి ఛాన్స్ ఇస్తాడా? చూడాలి.
Also Read: పవన్ ‘OG’ పై క్రేజీ కామెంట్స్
అన్నట్టు పవన్ ఫ్యాన్స్ కి మరో క్రేజీ అప్ డేట్ ఉంది. సినిమాల రీరిలీజ్ హిస్టరీలో ‘ఖుషీ’ సినిమాతో రికార్డు సృష్టించిన పవర్ స్టార్ పవన్ కళ్యాణ్ మరో సంచలనానికి రెడీ అవుతున్నారు. ఆయన నటించిన బ్లాక్ బస్టర్ మూవీ ‘తొలి ప్రేమ’ జూన్ 30న రీరిలీజ్ కానుంది. తాజాగా మేకర్స్ సినిమాకి సంబంధించిన 4K ట్రైలర్ విడుదల చేశారు. కాగా, 1998 జూలై 24న విడుదలైన ఈ బ్లాక్ బస్టర్ మూవీలో పవన్ సరసన కీర్తి రెడ్డి నటించిన సంగతి తెలిసిందే.
Also Read: పిక్ టాక్ : బోల్డ్ లుక్ లో గ్లామర్ ఫోజులు
