హరితహారం…ప్రారంభించిన మంత్రి కేటీఆర్..

తెలంగాణ ప్రభుత్వం ప్రతిష్టాత్మకంగా చేపట్టిన ఏడవ విడత హరితహారం కార్యక్రమాన్ని ప్రారంభించారు మంత్రి కేటీఆర్. నగరంలోని పెద్దఅంబర్‌పేట కలాన్‌లోని ఏర్పాటు చేసిన అర్బన్‌ ఫారెస్ట్‌ పార్కును ప్రారంభించారు. అటవీశాఖ మంత్రి అల్లోల ఇంద్రకరణ్‌రెడ్డి, విద్యాశాఖ మంత్రి సబితా ఇంద్రారెడ్డితో కలిసి కార్యక్రమంలో పాల్గొన్నారు.

ఈ సందర్భంగా పార్క్‌లో మొక్కలు నాటి ఏడో విడత హరితహారం కార్యక్రమానికి శ్రీకారం చుట్టారు. కార్యక్రమంలో ఎమ్మెల్యే మంచిరెడ్డి కిషన్‌రెడ్డి, ఎమ్మెల్సీలు మహేందర్‌రెడ్డి, సురభి వాణీదేవి పాల్గొన్నారు.

జూలై 1 నుంచి జూలై 10 వ‌ర‌కు ఏడ‌వ విడ‌త హరిత‌హార కార్య‌క్ర‌మం కొనసాగనుంది. ఆరు విడ‌త‌ల్లో 220.70 కోట్ల మొక్క‌ల‌ను నాటగా ఏడ‌వ విడ‌త హ‌రిత‌హారం 2021-22 సంవ‌త్స‌రంలో 19.91 కోట్ల మొక్క‌ల‌ను నాటాల‌ని ల‌క్ష్యంగా నిర్దేశించుకున్నారు.