తెలంగాణ విమోచన దినోత్సవం సందర్భంగా హైదరాబాద్ తెలంగాణ భవన్‌లో జాతీయజెండా ఎగురవేశారు టీఆర్ఎస్ వర్కింగ్ ప్రెసిడెంట్, మంత్రి కేటీఆర్ . అనంతరం ప్రొఫెసర్ జయశంకర్ విగ్రహానికి ఆయన నివాళులు అర్పించారు. ఈ కార్యక్రమంలో మంత్రులు శ్రీనివాస్‌గౌడ్, మల్లారెడ్డి, ఎమ్మెల్సీలు నాయిని నర్సింహారెడ్డి, పల్లా రాజేశ్వర్‌రెడ్డితో పాటు పలువురు నాయకులు పాల్గొన్నారు.
తెలంగాణ విమోచన దినోత్సవం సందర్భంగా ట్విట్టర్‌లో ట్వీట్ చేశారు కేటీఆర్ . భారత యూనియన్‌లో హైదరాబాద్ సంస్థానం విలీనం అయిన నేడు.. ఆనాటి పోరాటంలో అసమాన త్యాగాలు చేసిన వీరులను స్మరించుకుందాం.. జై తెలంగాణ, జై హింద్ అని పేర్కొన్నారు.
Sept 17th: The day Hyderabad was merged with Indian Union – Remembering the countless sacrfices & saluting the martyrs. Jai Telangana, Jai Hind🙏
హైదరాబాద్ సంస్థానం భారత యూనియన్ లో విలీనం అయిన నేడు. ఆనాటి పోరాటంలో అసమాన త్యాగాలు చేసిన వీరులను స్మరించుకుందాం. జై తెలంగాణ, జై హింద్ pic.twitter.com/femoEACtkt
— KTR (@KTRTRS) September 17, 2019
