క్రియేటివిటీ అన్న పదానికి కృష్ణవంశీ ఎలా కేరాఫ్‌గా మారిపోయారో.. ఎదుటి వ్యక్తిని కిక్కురుమనకుండా చేయడంలోను అంతే పేరు గడించారు. అందుకే ఇప్పటికీ కృష్ణవంశీతో మాట్లాడాలంటే చాలామంది హీరోలు సైతం జంకుతారనేది ఓపెన్ సీక్రెట్. ఈ నేపథ్యంలో తన గురించి తప్పుడు ప్రచారం చేస్తున్న ఓ హీరోపై కృష్ణవంశీ ఫైరయ్యారు.
తనతో పనిచేసిన ఒక హీరో ఉన్నాడని, అతడికి ఏమీ గుర్తుండవు అని.. కనీసం రెండు డైలాగులను కూడా గుర్తుంచుకుని చెప్పలేడని, అతడికి మతిమరుపు అని కృష్ణవంశీ అన్నాడు. అలా కాదు బాబు.. అని తను చెప్పబోతే.. తనపై అలుగుతాడని, అలాంటి వాళ్లే బయటకు వెళ్లి తనపై నెగిటివ్ గా ప్రచారం చేస్తారని మండిపడ్డారు.
తన గత సినిమాల ఫెయిల్యూర్స్ పై మాట్లాడుతూ.. ఫెయిల్ అయితే అయ్యుండొచ్చు కానీ, తలదించుకునే సినిమాలు చేయలేదని అన్నాడు. రామ్ చరణ్ కు ఒక హిట్టు ఇవ్వాల్సి ఉందని, తను బాకీ పడ్డాను అని, అవకాశం దొరికినప్పుడు ఆ బాకీ తీర్చేస్తానని కృష్ణవంశీ వ్యాఖ్యానించాడు.
తాను దేనికీ రాజీ పడను అని, తనతో పని చేయడం కష్టం అని.. ఇండస్ట్రీలో ఉన్న అభిప్రాయానికి కారణం వాళ్లే అని ఈ దర్శకుడు వ్యాఖ్యానించాడు. 80 శాతం మంది తనతో పని చేయడం వల్ల పని చేర్చుకున్నామని అంటారని, కేవలం ఇరవై శాతం మంది మాత్రమే.. తనపై దుష్ప్రచారం చేస్తారని కృష్ణవంశీ అన్నాడు.
మరి సదరు హీరో ఎవరో మాత్రం కృష్ణవంశీ చెప్పలేదు. ప్రస్తుతం కృష్ణవంశీ ‘నక్షత్రం’ విడుదలకు సిద్దమవుతోంది.
