టోక్యో పారాలింపిక్స్‌లో భారత్‌కు మరో స్వర్ణం..

86

టోక్యో పారాలింపిక్స్ భారత అథ్లెట్లు స్వర్ణాల పంట పండిస్తున్నారు. ఆదివారం భారత్‌కు మరో బంగారు పతకం లభించింది. బ్యాడ్మింటన్‌ పురుషుల సింగిల్స్‌ ఎస్‌హెచ్‌ 6లో కృష్ణ నాగర్‌ గోల్డ్‌ మెడల్‌ సాధించాడు. హాంకాంగ్‌ ప్లేయర్‌ కైమన్‌ చూతో జరిగిన ఫైనల్‌లో 21-17, 16-21, 21-17తో విజయం సాధించాడు. దీంతో బ్యాడ్మింటన్‌లో బంగారు పతకం సాధించిన రెండో ప్లేయర్‌గా రికార్డు సాధించాడు. శనివారం జరిగిన ఎస్‌ఎల్‌ 3 విభాగంలో ప్రమోద్‌ భగత్‌ గోల్డ్‌ సాధించిన విషయం తెలిసిందే.

అలాగే బ్యాడ్మింటన్ సింగిల్స్ విభాగంలో భారత షట్లర్ సుహాస్ యతిరాజ్ ఈ ఉదయం రజత పతకం గెలుచుకున్నాడు. తాజా పతకంతో కలిపి భారత్ సాధించిన మొత్తం పతకాల సంఖ్య 19కు పెరిగింది. వీటిలో 5 స్వర్ణాలు, 8 రజతాలు, 6 కాంస్య పతకాలు ఉన్నాయి. పతకాల పట్టికలో భారత్‌ ప్రస్తుతం 24వ స్థానంలో ఉంది.