తొమ్మిది సంవత్సరాల తర్వాత బాస్ ఈజ్ బ్యాక్ అంటూ వెండితెర మీద అడుగుపెట్టిన చిరంజీవి రికార్డులు తిరగరాశాడు. తొలి షో నుంచే హిట్ టాక్ సొంతం చేసుకున్న ఖైదీ నెంబర్ 150 టాలీవుడ్ రికార్డులను తిరగరాసింది. ఇప్పటివరకు టాలీవుడ్‌లో బిగ్గెస్ట్ హిట్గా నిలిచిన బాహుబలి రికార్డులను సైతం ఖైదీ తిరగరాసింది.
పక్కా మాస్ కమర్షియల్ ఎంటర్టైనర్తో అభిమానులను అలరించిన బాస్ వసూళ్లలోనూ హిస్టరీ క్రియేట్ చేశౄడు. తెలుగు రాష్ట్రాలతో పాటు ఓవర్సీస్లో కూడా భారీ వసూళ్లను సాధించిన ఖైదీ నంబర్ 150 ఒక్క రోజులో 39 కోట్లకు పైగా వసూళ్లను సాధించింది. టాలీవుడ్ ఇండస్ట్రీలో బిగెస్ట్ హిట్గా నిలిచిన బాహుబలి తొలి రోజు 35 కోట్లతో సరిపెట్టుకోగా ఖైదీ నంబర్ 150 ఆ రికార్డ్ను దాటి కొత్త చరిత్ర సృష్టించాడు. తొమ్మిదేళ్ల విరామం తరువాత కూడా బాక్సాఫీస్ను షేక్ చేస్తున్న చిరు స్టామినా చూసి అభిమానులు పండగ చేసుకుంటున్నారు.
ఇక ఓవర్సిస్‌లోనూ ఖైదీ దాటికి టాలీవుడ్ రికార్డులు బద్దలయ్యాయి. ‘ఖైదీ నంబర్ 150’ చిత్రం అమెరికాలో రికార్డు స్థాయి వసూళ్లు రాబట్టిందని సినీ విశ్లేషకుడు తరణ్‌ ఆదర్శ్‌ ట్వీట్‌ చేశారు. చాలా ఏళ్ల తర్వాత చిరు వెండితెరపై కనిపించిన ఈ చిత్రం అమెరికాలో తొలిరోజున 1,251,548 డాలర్లు (రూ.8.56 కోట్లు) రాబట్టిందని ట్వీట్‌ చేశారు.
